Guwahati, Nailar 10: U General Secretary jong ka All India United Democratic Front (AIUDF) uba dei ruh u MLA u Hafiz Rafiqul Islam, ha rngkat bad u wei u MLA u Ashraful Hussain, kila pynsngew ia ki mat ba kynthup ia ka jingshah kyndang jubor bad ruh ka jingkynnoh ba ka shah pyndik bad ruh ka jingpynbna ba kyrpang ha kaba iadei bad ka Special Intensive Revision (SIR) ia ka thup kyrteng ki nongthep vote.
Haba ia kren bad ki lad pathai khubor hapoh ka ophis trei kam mynta ka sngi u Blei ha Hatigaon, Guwahati u Hafiz Rafiqul Islam u la kynnoh ba u myntri rangbah uba bat ruh ia ka tnad kam poh iing, ba u khlem lah ban pynneh pynsah ia ka shongsuk shongsain hapoh ka jylla Assam, da kaba kynnoh ruh ba u dei u ‘pynshit ia ki runar’ ban pyndik ia ki nong shong shnong ba shisha jong ka ri India ba kynthup naduh ki nongbylla sngi bad ki nongsain ain, ha kylleng ki district.
U la ong, “Ka Riti Synshar ka ai hok ïa ki nong India ban trei ha kano kano ka jaka ha ka ri, hynrei ha Assam, ki briew kim shngaiñ wat haba ïaid hapdeng ki distrik.” U la dawa ban hiar shuki noh ïa u CM bad u la dawa ïa ka jingsynshar President ha ka jylla.
Halor ki jingkyndang ia ki iing briew, u Islam u la kam ba ka jingleh khlem dab uh ia ki jaka sah shipor bad kane ka jingthmu kadei tang ia ki Muslim hapoh ka jingmaham ban ithuh ïa ki kum ki “bar ri.” U la ong ba u CM u thaw ia ka jingiathuhkhana lamler na ka bynta ka jingmyntoi elekshon da kaba bynrap, “Lada ki dei ki bar ri, kem ia ki bad pynshisha. Hynrei u CM u tip bha ba ym don wat tang uwei ruh u bar ri hangne.” U la kynnoh ba ki longïing kiba la shah kyndang ki la duh noh ïa ka lad ban ïoh ïing, skul, bad ki hok ba kongsan, bad u la kyntu ïa ka iing bishar ban tuklar.
Haba ia dei bad ka Special Intensive Revision ia ka thup nongthep vote, u Islam u la ong ba kam long kaba donkam namar ba ka Assam ka la dep ban pynshisha kaba bniah ia ka NRC hapdeng u snem 2015 haduh 2019. U la kynnoh ba katei ka jingleh ka dei kaba don jingthmu sain pyrthei bad kaba thmu ban pyndik.
“Ka Election Commission kam dei ban leh kum ka nong shah khyrwait shabi jong ka BJP”, u la ong da kaba dawa ba dei ban pyndam noh ia ka SIR bad ban pynbeit thymmai ia ka thup kyrteng ki nongthep vote.
 uba dei ruh u MLA u Hafiz Rafiqul Islam, ha rngkat bad u wei u MLA u Ashraful Hussain, kila pynsngew ia ki mat ba kynthup ia ka jingshah kyndang jubor bad ruh ka jingkynnoh ba ka shah pyndik bad ruh ka jingpynbna ba kyrpang ha kaba iadei bad ka Special Intensive Revision (SIR) ia ka thup kyrteng ki nongthep vote.){kind=link}