Shillong, Nailar 08: Ka National Peoples Women Front (NPWF) kila leit kynduh ia u Myntri Rangbah ka jylla Conrad K Sangma ha iingsah ka jong u ban pan jaka na ka sorkar jylla ban tei ia ka motdur jong ka Phan Nonglait, ka riewshlur kaba mih ban iakhun ha ka por jong u Tirot Sing ia ki shipai ka Sorkar Bilat.
Kum ban shu pynkynmaw na ka liang jong ka National People’s Party haka sngi kynmaw burom ia ka lyngkhuh sngi iap jong u Syiem ka Hima Nongkhlaw u Syiem Tirot Sing ha ka lyngkhuh sngi iap kaba 190, ki la kren ia kane ka bynta ba donkam ban kynmaw burom lang ruh ia ka Phan Nonglait.
Na ka liang ka Kong Grace ka la ai jingmut ruh ia ki nongialam jong ka party ba kin tyrwa sha ka sorkar ban don ka jingkynmaw burom lang ia ka Phan Nonglait kaba dei kawei na ki shipai ba shlur jong ka Jaidbynriew kaba la don ka bynta kaba khraw ban iakhun ia ki dohlieh ha ka por jong u Syiem Tirot Sing.
Kumta dei hynne ka sngi naka liang ka NPWF, Meghalaya State Unit hapoh ka jingialam jong ka President ka Kong Grace Mary Kharpuri ryngkat lang u Working President Bah Hamletson Dohling nangta u Bah Himalaya M Shangpliang ki leit ban kyrpad ha ryngkat ka jingthoh naka bynta ban ai jaka ban tei ia u mot sahkynmaw jong ka Phan Nonglait kaba dei kawei na ki riewialeh ban pynioh ia ka jinglaitluid iaka Jylla.
Katkum ka shithi ka Kong Grace ka la buh ka jing kyrpad ha khmat u Myntri Rangbah u Conrad K Sangma ban ai ka jaka ha ka Phan Nonglait Park kaba don ha hadien jong ka Civil Hospital kaba dei ruh ka jaka kaba itynnad ban buh ia u motdur bad kaban iahap na ka bynta kane ka riewshlur.
 kIla leit kynduh ia u Myntri Rangbah ka jylla Conrad K Sangma ha iingsah ka jong u ban pan jaka na ka sorkar jylla ban tei ia ka motdur jong ka Phan Nonglait, ka riewshlur kaba mih ban iakhun ha ka por jong u Tirot Sing ia ki shipai ka Sorkar Bilat.){kind=link}