Guwahati, Nailar 3: Ki Pulit kilakem noh ia ki hynniew ngut ki khynnah skul jong ka Jawahar Navodaya Vidyalaya Rangia (JNV-Rangia) ha Kamrup District jong ka jylla Assam hadien ka jingkynnoh ba leh kynshlein ia kawei ka khynnah pule class VI.
Na ka liang ki bor ba dei khmih jong ka school kila pyntip sha ki pulit ha ka sngi Thohdieng, hadien ba kiba ha iing jong ka kynthei kila buh ka jingujor sha ka skul. Hadien ia ka ejahar la register hapoh ka Rangia Police Station.
Katkum ki Pulit, kine baroh ki khynnah ba shah kynnoh kidei kiba dang hapoh 18 snem (minors) bad kiba shong ha ka class XI, la phah noh ia ki sha ka juvenile home na ka bynta 14 sngi da ka juvenile court ha Amingaon.
Kane ka jingjia kala pynsngewkhia ia ka jinglong shngain jong ki khynnah kynthei hapoh kane ka skul.
“Kane ka jingshah leh kynshlein kala iaid mynta la kumba ar ne lai bnai, ia kaba la donkti lang ki khynnah pule kane ka skul kiba long kham heh (senior) jong kane kajuh hi ka skul” la ong u heh pulit.
Ha kajuh ka por, ia kane ka lanot la dep ban leh ia ka medical examination bad ki pulit kila dep ban record ia ka jingkynthoh ba la shim na ka.
“Ia kane ka jingkynthoh ne statements na ki bor pyniaid jong ka skul la dep ban shim ia ka jingkynthoh ha ryngkat bad kynthei.ki Bor pyniaid jong ka skul kila ia trei lang bad kyrshan ia ngi ha ka jingtohkit bad ngi dang pyrshang ban lum thup ia baroh ki sakhi satar ba kynthup lang ruh ia ka jingring dur lyngba ka CCTV,” la ong u wei u heh ophisar.
 ha Kamrup District jong ka jylla Assam hadien ka jingkynnoh ba leh kynshlein ia kawei ka khynnah pule class VI.){kind=link}