Shillong, Nailar 02: Ka tnat Directorate of Agriculture and Farmers’ Welfare, Krishi Vigyan Kendra East Khasi Hills bad ka Meghalaya Agricultural Management and Extension Institute hynne ka sngi kala pynlong iaka program State Level ban ïasnohkti lang ha ka jingpynlait paidbah ha ka Ri baroh kawei ïa ka Installment kaba 20 jong ka PM Kisan Scheme da u Myntri Rangbah duh ka Ri India u Narendra Modi.
Ia kane ka program la pynlong ha ka Integrated Agricultural Training Centre Upper Shillong.
Ha kane ka prokram la wan ïashim bynta da ki nongrep na ki C&RD Block bapher bapher jong ka East Khasi Hills district ha ryngkat ki ophisar na ka tnad, KVK, ATMA nalor kiwei pat ki nongshah khot sngewbha.
Ïa kane ka prokram la wan sakhi daka Kong B Mylliem Umlong ka Director jong ka tnat Agriculture ha kaba ka la ai mynsiem ïa ki nongrep ba kin shim ïa ka lad ban ioh jingmyntoi naka skhim PM Kisan ba la ai da ka Sorkar Pdeng.
Ka Kong B Mylliem Umlongnka la batai bniah ia ki bynta bad ki jingdonkam bapher bapher jong ka skhim PM Kissan.
Ha kane ka sngi ka la don ka jingïakren hapdeng ki Ophisar ka Sorkar bad ki nongrep ban iathir halor ka bha ka miat jong ki nongrep.
Ia ka Live Streaming jong kane ka prokram kaba la long ha Vanarasi Uttar Pradesh ha kaba u Myntri Rangbah ula shim bynta lyngba ka webcast sha ki paidbah kiba la wan.
Lyngba kane ka prokram pynlait paidbah ha ka ri baroh kawei ha kaba kumba 2.5 klur ngut ki nongrep ki la ïashim bynta ban pyllait iaka Installment kaba 20 jong ka PM Kisan Scheme kaba long T.20,500 klur bad ia kane ka pisa la pyllait sha ka Bank Account jong ki 9 klur 70 lak ngut ki nongrep jong ka Ri.
