Shillong, Naitung 30 : U Lamphang (Speaker) ka Iingdorbar Thaw Ain Thomas A Sangma, u dang shong bishar mynta ia ka jingkyrpad u Bah Adelbert Nongrum, ba kyntu ban ym pdiang ia ka hukum sospon pyrshah ia u da ka Voice of the People Party (VPP).
Hynrei u Lamphang ula pynpaw pat ba une u MLA ka North Shillong u khlem phah ia kane ka jingkyrpad kum u MLA.
U Bah Adelbert ula ieng pyrshah ia kane ka hukum sospon, kaba la phah sha u kum u “Adelbert Nongrum, Jaiaw Shillong”, kam shym la kdew ia ka kyrdan MLA jong u.
Ula iasaid ba kane ka lah ban lam sha ka jingkulmar jingmut, namar ki lah ban don ruh kiwei ki briew kiba don ia kajuh ka kyrteng bad ba sah ha Jaiaw. U Bah Adelbert ula ban jur ba u dang dei u Nong mihkhmat bala jied da ki paidbah kat kum ka Riti Synshar.
U Lamphang ula phah ia kane ka kam sha ka Tnad ain bad sha u Advocate General jong ka Jylla ba kin shong bishar.
Watla u Thomas Sangma u kubur ba ki lah ban don ki briew kiba mynjur ia ka jingpyni nia u Bah Adelbert, hynrei ula pynpaw pat ba kane ka hukum sospon hapoh ka Iingkashari ka lah ban shah buh jingkylli namar ka jingbym batai shai.
“Nga dang shong bishar ia ka. Nga la phah sha ka tnad Ain bad ruh sha u Advocate General ka Jylla jong ngi” ula iathuh ha ki lad pathai khubor ha ka sngi Balang.
Haba kylli, u Lamphang ula ong “Ngam tip hynrei ki don ki briew kiba lah ba mynjur bad u Bah Adelbert Nongrum ruh namar ka hukum sospon ia u khlem da pynpaw ia u kum u MLA ka lah ban nym ieng satia hakhmat ka ain”.
U Thomas ula ban jur ba ula ioh ia ka jingpyntip halor ka jingsospon bad um lah satia ban kynthoh ia ka rai jong ka seng sain pyrthei.
U Bah Adelbert ula shah sospon ha ka VPP na ka bynta lai snem ha u bnai Lber halor ka jingkynnoh ba u leh ia ki kam ba long pyrshah ia ka party.
 ka Iingdorbar Thaw Ain Thomas A Sangma, u dang shong bishar mynta ia ka jingkyrpad u Bah Adelbert Nongrum, ba kyntu ban ym pdiang ia ka hukum sospon pyrshah ia u da ka Voice of the People Party (VPP).){kind=link}