Shillong, Naitung 23: Ha ka jingkhynra lang, hapdeng ki shipai Border Security Forc (BSF) bad ki pulit ka Jylla, ki la lah ban pynpulom ia ka jingthmu ban khaii tuh ia ki masi sha Bangladesh.
Ha kane ka jingkhynra la kurup 76 tylli ki masi, ba kynthup ia 43 tylli kiba dang im bad 33 tylli kiba iap na ki nongkhaii beain.
Ki BSF bad ki Pulit kila kem ruh ia 7 ngut ki nong India kiba donkti ha katei ka kam beain, ha kaba uwei u la mynsaw malu mala ha ka por ba pynlong ia ka jingkhynra.
Ha kane ka jingkhynra la kurup 5 tylli ki kali bad lai tylli ki walkie-talkie, kaba pyni ba ka don ka jingpyniaid beit iaid ryntih bha iaki kam khaii beain.
Kine ki kali ki ba la pyndonkam ban khaii beain ki poi ha ki bynta bapher bapher, kaba pynpaw ia ka buit khaii tuh kaba la thmu.
Ki briew kiba la shah kem kim shym la lah ban pyni ia ki kot ki sla kiba biang ha kaba iadei bad ka jinglong trai ne ka jingkhaii ia ki masi.
Iaki kali, ki tiar bad iaki briew ba shah kem la aiti noh sha ki bor pulit ban tohkit bniah bad leh katkum ka ain.
Kane ka jingkhynra ka pynskhem biang ia ka jingangnud ba skhem jong ki BSF Meghalaya ban pynskhem ia ki khappud jong ka ri bad ka Jylla bad ban tehlakam ia baroh ki jait kam runar kiba iaid lyngba ki thain khappud.
Ki BSF ki la ong ba ki long kiba peitngor bad ki don ka thong ban iada ia ka jinglong ba janai bad ka jingshngain jong ki thain khappud.
 bad ki pulit ka Jylla, ki la lah ban pynpulom ia ka jingthmu ban khaii tuh ia ki masi sha Bangladesh.){kind=link}