Nongpoh, Naitung 23 : Ka KSU Kyrdemkular 5 Km Unit, ha ka sngi Balang, kala ioh bat bad beh krad ia ki katto katne ngut ki nongbylla bar jylla kiba wan trei bylla hapoh ka thain khlem ki kot ki sla kiba biang.
Ka KSU hapoh ka jingialam u Vice President Ambyrius Kharkrang, kala bat ia kine ki nongbylla bar jylla katba ki dang thmu ban wan bylla ha ka thain.
Ka KSU Kyrdemkulai kala maham tyngeh ia ki briew kiba wan ialam ia ki nongtrei bar jylla beain hapoh ka shnong bad ong ba ka seng kan ym ailad satia ia kum kine ki briew bad kan iai peit pyrman bha khnang ba ki paradoh parasnam kiba ju im da ka bylla sngi, kin shngain bad ioh bylla.
