Jorhat, Nailur 08 :Ia ka jingsngewtynnad ban pule kot dei ban pynsuhthied ha ki jabieng kiba pyngngad jong ki khynnah kiba hadien kin sei ia ki soh jong jingnang jingtip.
Ka Jorhat Chapter of NGO JCI Femina kala shim ia ka jingkitkhlieh na ka bynta ban kynthup ia ka jingpynmlien ban pule kot hapdeng ki jabieng kiba dang lung da kaba pynkhreh ia ka library hapoh uwei u dieng hapoh ka high school jong ki kynthei hapoh ka sor rit Mariani ha kaba ia ki synduk kiba da ki tin la sah hapoh u dieng na ka bynta ban thep ia palat 600 tylli ki kot kiba ha ka ktien Assamese, Hindi bad English, kata naduh ki kot komik (comics) haduh ki autobiography jong ki briew ba pawkhmat nalor ki khana kiba iadei na ka bynta ki khynnah.
“Ngi la pan jingbit na ki bor pyniaid skul, bad wai da u misteri bad pyndonkam da ki tiar ki bym donkam shuh, na ka bynta ban shna ia ki jingda. Ia kane ka library ha ryngkat palat 600 tylli ki kot la plie paidbah ha ka 3 tarik mynta u bnai,” ong u president ka NGO u Dipika Poddar.
Na ka liang ka secretary ka NGO ka Shivani Agarwal ruh kala ong ba kila pynlut jan kumba T.15,000 ban pynurlong ia kane ka library bad ba ki don pyrkhat ruh na ka bynta ban wai da u nonghikai na ka bynta kane ka library.Na ka liang ki khynnah ki sngewkmen shibun halor kane ka sienjam kaba thymmai hapoh ka skul ka jong ki, bad kawei na ki khynnah klas X ka Nisha kala ong; “Nga sngewtynnad shibun ban pule kot bad Nga sngewkmen ba kane ka library ha une u dieng ka don ia shibun bah ki kot.”
Kane ka skul ka don 422 ngut ki khynnah kata ka mut ba ka jingdon ki kot kalong palat ia kawei na ka bynta iwei pa iwei i khynnah skul.Watla katta na ka liang ki kynhun kiba khmih halor ka jingpynneh pynsah ia ka mei mariang hapoh ka thain kila pynpaw ka jingsngewkhia da kaba ong ba kane ka lah ban ktah ia ka jinglong jingman jong ka mei mariang.
Kawei na kine ki nongtrei hapoh ka thain, ka Mridu Paban Phukan kala ong, “Kila dei ban buh bad pyndonkam da ki siej lane da u nar post ban pyndait ia kine ki synduk. Ka jingsah prek ia kine ki synduk hapoh une u dieng kan ktah ia ka jinglong jingman jong une u dieng.Kila dei ban pyndonkam da ki tyllai ha ka jaka jong ki prek, bad kila pyndonkam ruh da ka rong ha ki dieng ka ban ktah ia ka jinglong jingman jong ki jingthaw kiba im kum ki dkhiew bad kiwei pat ki jait khniang.
