Shillong, Naitung 4: Ka Hynniewtrep Youth Council (HYC) kala dawa ba dei ban leh da kaba tyngeh pyrshah ia ki briew kiba kynnoh wan khaii beain ia ki Masi shapoh ka jylla Meghalaya.
Katkum ka dorkhas kaba la aiti sha u Director jong ka tnad Animal Husbandry & Veterinary ha ka sngi Thohdieng, u President ka HYC seng kmie Bah Roykupar Synrem, u la kyntu ia ka tnad ba kadei ban pyntikna ba ia ki mard ne ki Masi kiba kit ne khaii hapoh ka jylla, ki dei ban bud ryntih ia ki ain kiba iadei bad ka Standard Operating Procedures (SOPs).
U Bah Roy u la pyntip ba ha ka 30 tarik u bnai Jylliew, ki dkhot ka HYC kila ioh ban bat ia kawei ka mini truck (AS 01 RC 7779) ha Anti-Infiltration Check-gate kaba don ha Byrnihat, Ri Bhoi District.
Kane ka kali, bala kynnoh pyndonkam da ka courier service company, kala kit haduh 9 tylli ki masi ha ka jaka ba khapngiah bha khlem da don ki kot ki sla kiba biang ha ba kit na kawei ka jylla sha kawei pat.
Nalor kata, ia ki masi ba kit ha kane ka kali ym shem la don satia ban pynshisha na ki bor ba dei peit, la ki long ne em kiba bit ba biang ban bam doh ia ki.
U Bah Synrem u la ong, Ka rukom kit ka long pyrshah ia ka ain iada na ka jingshah lehbein ki mrad, katkum ka Prevention of Cruelty to Animals Act, 1960, the Transport of Animals Rules, 1978 (as amended) bad ka Motor Vehicles Act, 1988.
“Ngim lah ban sngewthuh ba kumno ka rukom la shah ban kit ia ki masi ne mrad shapoh ka jylla khlem da bud ryntih ia ki rukom jong ka ain…. kaba pynkhein ia ka Prevention of Cruelty to Animals Act, 1960 and the Transport of Animals Rules, 1978 (as amended) bad kumjuh ruh ia ki kyndon jong Motor Vehicles Act, 1988,” ong u Bah Synrem haba bynrap ia ka jingdonkam ban pyrkhing bha bad ban bud ryntih ia ki ain ha kaba iadei bad ka jingkit bad khaii masi.
 kala dawa ba dei ban leh da kaba tyngeh pyrshah ia ki briew kiba kynnoh wan khaii beain ia ki Masi shapoh ka jylla Meghalaya.){kind=link}