Shillong, Naitung 03 : Ka Joint Committee of Local People on Kynshi Hydro Power Project (JCLPKHPP) kala dawa ia ka Sorkar Jylla ba kan pyntrei kham kloi noh ia ka Kynshi Hydro Power Project.
Ka kynhun ki nongialam ka Committee kila aiti ruh ia ka dorkhas sha u Myntri ka tnad bording AT Mondal, ba kyntu ia ka Sorkar ba kam dei shuh ban nang pynslem ia ka project.
U Chairman ka JCLKHPP Bah Roshem Myrthong, ula iathuh ba ka Committee kaba iakynduh ha ka 1 tarik Naitjung ha shnong New Majai, kala iakren ia ka jingeh bad ka jingbym iaid ki kam kiba iadei bad ka jingshna ia kane ka project.
“Ka Committee ka sngewsih jur bad bynniaw halor ka jingbym pat leh eiei na ka liang ka Sorkar ha ryngkat ka jingiatrei lang bad ka M/s Athena Pvt Ltd haba iadei bad ka projecr, ia kaba ka Committee mynta ka kyntu ba ym dei shuh ban nang pynslem lane pynjlan bad trei kham pynkloi noh da kaba shim ia ki sienjam kiba dei” ula ong ha ka dorkhas.
Ka Committee kala pan ia ka jingpynshai halor ka Memorandum of Understanding (MoU) bala iasoi hapdeng ka Sorkar Jylla bad ka M/s Athena Pvt Ltd bad kumjuh ruh ia ki plan ba mynta jongka Sorkar haba iadei bad ka project.
Ka Committee ka pynpaw ia ka jingsngewkhia halor ki kam ba dang sahteng bad kyrpad ban pynkloi noh ia ka project , ha ka jaka ban pynslem.
Kila ai jingmut ruh ban khot ia ka jingialang hapdeng ka Sorkar, ka kompani, ka Joint Committee, ki trai jaka ban pynthikna ia ka jingiasngewthuh jingmut kaba shai kdar halor ka thong bad jingthmu jong ka project.
Nalor kata, ka Committee kala pan ruh ia ka copy jong ka MoU bala iasoi hapdeng ka Sorkar Jylla bad ka kompani ba kan ioh buh kynmaw.
U Bah Myrthong ula ban jur ba ka jingjop jong ka project ka shong ha ki sienjam ban shim da ka Sorkar Jylla, bala ialam da u Myntri Rangbah bad u Myntri kam bording.
 kala dawa ia ka Sorkar Jylla ba kan pyntrei kham kloi noh ia ka Kynshi Hydro Power Project.){kind=link}