Shillong, Naitung 02: Ki nongialam ka Jaintia Students’ Union (JSU) ha ka sngi Balang, kila leit ban pynlong ia ka jingiakhih hakhmat ka ophis treikam jong u Deputy Commissioner ka West Jaintia Hills District, ban dawa ba dei ban buh noh mardor ia ki pulit ha ka shnong Lapangap.
Katkum ka jingong u General Secretary ka JSU u Neikee Mukhim, ula ong ba kane ka jingiakhih ka long ban pynthikna ia ka jingiada bad jingshngain jong ki paidbah ka shnong Lapangap.
Ula ong ba ka JSU dang shen kala dep iakynduh ia u Symbud Myntri Rangbah ka jylla uba khmih ia ka kam Pohiing u Bah Prestone Tynsong bad ia ka Director General of Police (DGP) ha ka 26 tarik u Jylliew bad kala kyntu ia ki ba kin buh bun ngut ki pulit na ka bynta ka jingshngain bad ban ai jingiada ia ki nongshong shnong.
Ha kane ka jingiakhih, ka JSU kala aiti ia ka dorkhas sha u Deputy Commissioner ban kyrpad ban phah noh mardor ia ki pulit SF-10 sha Lapangap.
“U Deputy Commissioner ula ai ka jingpynthikna ia ka seng JSU ba yn phah da ka jingthoh sha ka sorkar ba kan buh ia ki pulit SF-10 ha katei ka shnong ban pynthikna ia ka jingshngain bad jingai jingiada ia ki nongshong shnong, khamtam eh ha ka por ba ki leit ban bet symbai ne ha ka aiom thung jingthung.
U Deputy Commissioner ula kyntu ruh ia ka JSU ban iadonbynta lang ha ka Peace Committee ban pynbeit ia katei ka mat bad ban pynthikna ba kan don ka jingsuk bad ka jingshngain ha katei ka thain.
 ha ka sngi Balang, kila leit ban pynlong ia ka jingiakhih hakhmat ka ophis treikam jong u Deputy Commissioner ka West Jaintia Hills District, ban dawa ba dei ban buh noh mardor ia ki pulit ha ka shnong Lapangap.){kind=link}