Shillong, Naitung 01 : U Myntri ka tnad Pule Puthi Rakkam A Sangma ha ka sngi Nyngkong, ula leit jurip ia ka Shillong Government College of Engineering (SGCE) bad ia ka Shillong Polytechnic, haba pynthikna b aka SGCE kan sa sdang noh ia ka Academic Session ba nyngkong ha u bnai Nailar mynta u snem.
Haba iakren bad ki nongthoh khubor, u Rakkam ula ong “Ngi la wan jurip ia ka Shillong College of Engineering bad ka Polytechnic ryngkat ki Ophisar, u Principal bad ki Nongtrei. Nga kwah ba iakynduh markhmat ia ki namar kane kan dei u snem ba nyngkong ba ka Engineering College kan sdang ia ka jingshim klas”.
U Myntri u pyntip ba ka jingshim klas la khmih lynti ba kan sdang ha u Nailar bad ka jingpynrung klas kala dep iaid shakhmat.
“Ka Sorkar India kala ai jingmynjur ia ka jingtyrwa bala phah sha ka All India Council for Technical Education (AICTE) na ka bynta 30 tylli ki seat jong ki artylli ki course-Civil Engineering bad Electrical Engineering” ula ong.
Haba kylli halor ki jingtei, u Rakkam ula ong “Kila biang lut nadong hadong. Ngi dang ap ia ka jingbit ba khatduh na ka AICTE bad ngi la biang lut ban sdang noh”.
Halor ki nonghikai,ula ong “Katto katne ngut ki nonghikai kila don lypa. U Principal-in-charge u dei na Shillong Polytechnic bad ngi don ruh ia ki briew kiba la biang ka kyrdan. Ka jingthungkam kan sa iaid kat haba mih ki jingdonkam”.
Lah ban kdew, ka SGCE dang shen kala ioh ia ka jingmynjur ka AICTE ba kan sdang noh ia ka Undergraduate cource jong ka Civil bad Electrical Engineering.
 bad ia ka Shillong Polytechnic, haba pynthikna b aka SGCE kan sa sdang noh ia ka Academic Session ba nyngkong ha u bnai Nailar mynta u snem.){kind=link}