Pyrshah ka MGSPHSVA ban pynkynriah jubor iaki nongshong dukan madan na Khyndailad

Shillong Jylliew 29: Ka Meghalaya and Greater Shillong Progressive Hawkers and Street Vendors Association (MGSPHSVA) hynne ka Sngi U Blei, kala ong ba kan ym ailad ban pynkynriah jubor ia ki nongdie dukan madan na ka thain Khyndailad haduh ban da pynbeit shwa ia ki kynrum kynram kaba kynthup ia ka jingai lisen ia ki briew kiba la don ia ki dukan.

Ha ka kyrwoh na u General Secretary ka MGSPHSVA Bah Shane Thabah ula ong ba ka seng ka dawa ba dei ban don ia ka rukom treikam kaba ryntih, ka bym shah liang bad kaba khuid ba suba ha kaba iadei bad ka jingpynkynriah bad jingai jaka ia ki nongdie shong dukan madan.

“Ngin gin ym shah ban weng jubor tad haduh ban da pynbeit shwa ia ki kynrum kynram na ka jingai lisen ia ki briew kiba la don dukan watla kila dep ban ai ia ka jingujor bad ka jingshah pynduh lisen ki nongshong dukan madan kiba dei hok khlem ka nongrim kaba biang kumta dei ban pynbeit noh shwa ia kine” ula ong.

Ka seng kala daw aba dei ban pynytreikam noh mardor ia ka (Street Vendors (Protection of Livelihood and Regulation) Act 2014) ha ka lynti kaba pura naduh ba kane ka kam kala poi sha ka Meghalaya High Court ha u snem 2016.

Ka Association kala ai ka jingiatreilang bad ka sorkar ban pynthikna ba ia ka hok jong ki nongshong dukan madan dei ban bud ryntoh katkum ki aiñ ki kanun.

Hynrei u Bah Thabah ula ong ba ka seng kala dep ban kdew ia ki jingduna bad jingdkoh ha ka rukom pyntreikam ia ka ain, kynthup ia ka jingpulom ha kaban leh ia ka ‘Digital Survey’ bad ka jingiarailang na ka bynta ban tei ia ki jaka shong die jingdie.

Ka MGSPHSVA ka daw aba kadei ban don ka jingiakren bad ka jingiakren ban ia shim lang ia ka rai na ka bynta ban pynwandur ia ka jaka shong die jingdie ki nongdie madan bad kala iasyllok ruh bad ki nongpynwandur ia ki jingtei kiba kynthup ia ki ‘Architect’ bad ‘Planner’ na kylleng ki jylla khnang ba yn lah ban leh ia kaba bha tam.

Ka Association kala wer ruh shuh shuh ia ki ‘Designer’, barikor, nongtem nongput, nongdro bad ki nongshong shnong ban iadonbynta lang na ka bynta ban wanrah ia ka jaka kaba don ia ka jingkylla kaban bat ruh ia ka hok jong baroh ki nongshong shnong, la bynrpa u Bah Thabah.