Shillong, Jylliew 28 : Ka Iingkashari Chief Judicial Magistrate, kala aibor ia ki kynhun Special Investigation Team (SIT) ki Pulit ka Jylla, ba kan tohkit 6 sngi ia ki 3 ngut ki briew, kiba suba pynjulor bad buhrieh ia ki sakhi satar ha Indore, kiba don jingiadei bad ka jingshah pyniap u Raja Raghuvanshi ha Sohra.
Ia kane la pyntip da u Assistant Public Prosecutor Tushar Chanda hadien bala ialam tian bisahr ia ki hapoh ka Iingkashari ha ka sngi Palei.
“Ki Pulit kila pan 8 sngi ban set ia kine ki 3 ngut ha ka Police Custody ban ioh tohkit bniah hynrei ka Iingkashari kala ai 6 sngi” iathuh u Tushar.
Kine ki 3 ngut ki briew ba kynthup ia u Silome James, Balbir Ahirbar ba khot sin u Ballu bad u Lokendra Singh Tomar. Kine ki briew kila wan poi ha Sadar Police Station, Shillong hynne ka sngi Palei.
U Silome James, u nongdie iing, ula shah kem halor ka jingkynnoh ba u pynjulor bad buhrieh iaki sakhi kiba kongsan, kynthup ka pistol shna hi, ka pisa, kiba don ha ka pla jong ka Sonam Raghuvanshi.
U Balbir Ahirbar, u nongap pahara, la ngeit ba u don ia ki jingtip kiba kongsan halor ka rung ka mih jong ki briew ba pyniap ia u Raja Raghuvanshi ha ka flat ba rieh ka Sonam Raghuvanshi hadien ba ka phet na Jylla Meghalaya.
U briew ba kem khatduh, u Lokendra Singh Tomar, u dei u trai jong ka Flat ha Indore, ka iing basa ba rieh ka Sonam. Ia une u briew la kem na Gwalior hadien ka jingphet rieh.
Ha ka janmiet sngi Balang, ki Pulit SIT da ka jingialam lynti u Silome James, kila ioh kurup ia ka pistol shna hi ba don bad artylli ki magazine lem bad 2 tylli ki kuli.32 na ka wah shnong kaba don ha Indore. Ka SIT kala ioh kurup ban kurup ia ka is aba T.50,000 na ka kali u James-ka I10 ba don u nombor MP09WG2352.
U James ula phla ba ula shim ia kane ka pisa na ka pla laptop jong u Raj Kushwaha, u samla ka kurim u Raja Rashuvanshi, ka Sonam Raghuvanshi uba don bynta ruh ha kane ka jingpyniap. Ia kane ka pla la thang noh bad ia ka laptop la bret ha surok, ia kaba ym pat lah satia ban lapdien.
 ki Pulit ka Jylla, ba kan tohkit 6 sngi ia ki 3 ngut ki briew, kiba suba pynjulor bad buhrieh ia ki sakhi satar ha Indore, kiba don jingiadei bad ka jingshah pyniap u Raja Raghuvanshi ha Sohra.){kind=link}