Shillong, Jylliew 28 : Ka Voice of the People Party (VPP) ba synshar ia ka Khasi Hills Autonomous District Council (KHADC), kala ai work order thymmai haduh 9 tylli ki khyrdop check gate na ka bynta ka kam khaii beain da ki kali kit mar jong ki bar jylla.
Haba jubab ha ka kynta kylli jingkylli, u Executive Member ba khmih ia ka Tnad Trade Bah Winston Tony Lyngdoh ula ong ba kine ki khyndai tylli ki khyrdop ki don ha Beltoli, East Khasi Hills, Mawlyndep-Umsning, Umsiang, Umiam, Iongkhuli bad Umdihar ha Ri-Bhoi, Athiabari ha West Khasi Hills, Borsora bad Bagli ha South West Khasi Hills.
Kane ka work order kan treikam haduh ka 31 tarik Lber 2026.
Halor ka jingkylli, u Bah Winston ula pyntip ba ka Council kala ioh pdiang ia ki aplikeshon ia kane ka kam naduh ka taiew ba khatduh u Iaiong myntau snem.
Halor ka khyrdop ha Umdihar, u EM ula ong ba ia kane ka khyrdop la khang khyrdep bad ka Executive Committee ka dang ap ban ioh da ka jingthoh na ka Sorkar lyngba u Deputy Commissioner ka Ri-Bhoi District.
Kat kum ka jingong jong u, kane ka khyrdop ka jngai 50 meter na ka National Highway. Ia kane ka khyrdop ha Umdihar la khang da ki bor District halor ka nongrim ba la pynieng beain ia ka ha surok National Highway.
 ba synshar ia ka Khasi Hills Autonomous District Council (KHADC), kala ai work order thymmai haduh 9 tylli ki khyrdop check gate na ka bynta ka kam khaii beain da ki kali kit mar jong ki bar jylla.){kind=link}