Shillong, Jylliew 25 : Ki Pulit ka Ri-Bhoi District ha ka sngi Ba-ar, kila ioh tam ia kawei ka metiap u rangbah bala kem pyut, na ka shnong 17 mer, Ri-Bhoi District, ia kaba la suba jur ba u iap na ka jingshah lympat bording elektrik.
U Rangbah Shnong ka 17 mer, ula pyntip ia ka jingdon kane ka met sha ki Pulit ha ka por 8 baje mynstep.
Ha ka jingtohkit, la shem ba kane ka met jong u ranbah bala antad hapdeng ka 30-35 snem ka rta, kala thiah hajan jong uwei u post elektrik bad uwei u sainar uba la hap sha madan. La shem ruh ba une u briew ula thiah iap ha kane ka jaka la kumba 1-2 bnai eiei.
Mar mar ki Pulit kila pyntip noh ia kane sha ki briew ka MeECL ban tohkit ia ka jinghap une u sainar.
Ia ka met la pynkit noh sha Civil Hospital, Nongpoh ban leh post mortem bad ban lah pynithuh ia une u briew.
