Imphal, Jylliew 23: Ki pulit ka jylla Manipur kila ioh ban kem ia u nongialam ba hakhmat eh jong ka kynhun Meitei – ka Arambai Tenggol halor ka jingshah pyniap u wei u briew ba don jingduna dkhot met ha Imphal West district.
Une u Nongialam ka seng Meitei la tip kyrteng kum u Longjam Khaba Singh (35) snem ka rta uba dei u nongshong shnong ka Yumnam Huidrom Thiyam Leishangkhong.
Katkum ki Pulit, u Singh u dei u wei na kiba la suba ba donkti ha ka jingpyniap ia u Md Chesam Abdul Kadir uba na Paobitek Mayai Leikai.
Katkum ka Report, u Kadir u la jah rngai ha ka miet 11 tarik mynta u bnai bad hadien ka jingwad bniah, ia ka met jong u la lap ba la tep ha Samurou Naorem ha ka 17 tarik.
Ia ka met basah la sei ha ka jingdon lang u executive magistrate, bad ka kynhun forensic, bad kiba ha iing jong u lanot.
“Ngi la register case bad la sdang ia ka jingtohkit bad hadien ka jingtohkit, ngi la kem noh ia u nongialam ka Arambai Tenggol,” ong u wei u heh pulit.
