Shillong, Jylliew 19 : Ki bor District ka East Khasi Hills ha ka sngi Palei, kala maham ban leh da kaba tyngeh pyrshah ia ka jinglum pisa/synniang be-ain na ki dukan bad nongkhaii hapoh ka District.
Ia ka hukum la pynmih da ka District Magistrate Kong RM Kurbah kaba khang pyrshah ban lum synniang/pisa ha EKH bad ong “Kano kano ka jingpynkhein ia ka hukum, kan khring ia ka jingpynsajia hapoh ka kyndon 308 jong ka BNS bad ka kyndon 223 jong ka BNS”.
Ia kane ka hukum la pynmih halor ka jingioh khubor ia ka jingioh pisa beain na ki dukan/nongkhaii da ki kynhun bapher bapher hapoh ka District.
Kum kane ka jinglum pisa khlem da ioh ia ki jingbit ba donkam na ki bor ba dei khmih, ka dei ka kam bymman bad kiba donkam kin ngat ha ka jingpynsajia.
