Shillong, Jylliew 18 : Ka Meghalaya State Planning Board (MSPB) shen kan sa aiti noh ia ki jingai jingmut sha ka Sorkar Jylla ban weng ia ki jingeh na ka jingnang jur ka dheng kali ha sor Shillong.
Ha kajuh ka por,ka Board kala ai jingmut ruh ia baroh ki kynhun ba kin tynrong lem kumjuh ia ka jingkitkhlieh ban wanrah ia ki jingkylla ba kongsan haka kam pule puthi hapoh ka Jylla.
Haba iakren bad ki nongthoh khubor ha ka sngi Balang, u Chairman ka MSPB Bah Metbah Lyngdoh ula iathuh ba ka Board ka dang bishar ia baroh ki mat bad ki kam bala shim da ki Tnad bapher bapher, kiba long shibynta ban weng ia ka jingdheng kali ha sor.
“Ka Board kan sa wanrah ia ki kynja jingai jingmut bad ngin sa buh hakhmat ka Sorkar ba kan nang shim rai khnang ba yn lah ban pyntreikam ia ki ha sor Shillong” ula bynrap.
U Bah Metbah ula pyntip ruh ba ka Board, dang shen, kala shong bishar kam halor ka kam pule puthi bad ban jur ia ka jingdonkam ia baroh ki kynhun ba kin leh iala ka jong ka bynta ha kaban pynthikna ia ka jingpynkylla ba pura ha ka pule puthi.
“Ngi la iakren sani bha naba ngi sngewthuh bha ba ki don shibun kiei kiei kiba donkam ban leh da ka Tnad. Hynrei kawei ka mat kaba kongsan hangne ka long ba ka Sorkar marwei, nga ong ba ka long kaba eh bha (ban wanrah jingkylla). Ngi donkam ban pynthikna ba baroh ki kynhun kin shim iala ka jong ka bynta ha kaban pynthikna ia ka jingpynkylla kaba pura ha ka kam pule ka puthi” ula ong.
Haba kren halor ki jingbatai bala ai da ka Tnad Pule Puthi, u Chairman ka MSPB ula ong “Kila pynkhreh ia ki jingpynkylla kiba donkam ban leh. Baroh kiba don bynta ha kaneka kam, kila shimkhia khia shisha”.
 shen kan sa aiti noh ia ki jingai jingmut sha ka Sorkar Jylla ban weng ia ki jingeh na ka jingnang jur ka dheng kali ha sor Shillong.){kind=link}