Shillong, Jylliew 18 : Ka United Democratic Party (UDP) kan sa jied shen ia u General Secretary ba thymmai hadien ka jingiehnoh kam jong u MLA barim ka Nongthymmai Bah Jemino Mawthoh.
Kat kum ka jingong u President ka UDP Bah Metbah Lyngdoh, ka Central Executive Committee (CEC) kan sa shong jingialang hapoh une u bnai lane taiew ba nyngkong u Naitung.
“Ngi la pdiang ia ka shithi iehnohkam u Bah Jemino Mawthoh. Ka CEC ban wan kan sa shong bad iakren ia ka jingdonkam ban jied ia u General Secretary ba thymmai jong ka Party” ong u Bah Metbah haba iakren bad ki nongthoh khubor.
Hynrei une u Heh ka UDP ula ong “Ngam pat kyrkieh ban leh ia kane ka kam hynrei kum ka party ngi dei ban don ia u General Secretary”.
U Bah Metbah ula kam ba ka UDP kala nang khlain nang khlain bad ia kane la sakhi na kawei ka elekshon Assembly sha kawei pat.
 kan sa jied shen ia u General Secretary ba thymmai hadien ka jingiehnoh kam jong u MLA barim ka Nongthymmai Bah Jemino Mawthoh.){kind=link}