Shillong, Jylliew 15: Ka Iingkashari Special Court (NDPS) kala rai pynrem ia ki arngut ki briew kiba donkti ha ki kam khaii droks kat kum ka kyndon 22 (C) jong ka NDPS Act, 1985.
Kine ki Nongkhaii droks ki kyrteng u Sangte Paite bad u Lalmingliana kiba la shah kem ha ki Pulit ka Anti Narcotics Task Force (ANTF) ka East Khasi Hills naduh ka 22 tarik Rymphang 2013.
Ka Iingkashari kala pynmih ia kane ka hukum ha ka 15 tarik Jylliew 2022 bad la khmih lynti ba ka Kashari kan pynbna noh shen sa ia ka jingpyn sajia ia kine ki arngut.
Kat kum ka jingiathuh u Superintendent of Police ka East Khasi Hills, ia kine ki briew la iohkem da ki Pulit ka ANTF ha ka jingkhynra kali ha IIM Junction, Nongthymmai bad ha kane ka jingkhynra, ki Pulit kila ioh ban kurup haduh 2178.72 gram u drok spasmo proxybon.
Ia kane ka case la register ha Rynjah Police Station hapoh ka kyndon 22 jong ka NDPS Act bad la tohkit ia kane ka kam da u Sub-Inspector Simseng A. Sangma uba khlieh ia ka Anti Narcotic Task Force (ANTF), East Khasi Hills.
