Thaw ka EKH ia ka AMMC ban pynthikna ban ym long pathar ka rukom die doh

Date:

Share post:

Shillong, Jylliew 15: Ka bor District jong ka East Khasi Hills kala thaw ia ka Animal Market Monitoring Committee (AMMC) ban pynthikna ba ki nongdie doh bad dukan die doh kim dei ban shu thad ia ki doh khlem da tap bha khnang ban lait na ka jingboi skain bad buh jingma ia ka koit ka khiah.

 

Ia kane la pyntip ha ka jingialang bala pynlong da ka Deputy Commissioner ka District bad ki kynhun bapher bapher kynthup ka Shillong Municipal Board, ka Hima Mylliem, ka Food Safety Commissioner bad ki Nongmihkhmat na ki seng jong ki nongshoh doh.

 

Ka thong jong ka Committee ka long ban pynthikna ba ki nongdie doh bad dukan doh kin pyntreikam ia ka kyndon 18 jongka Rule 25 jong ka Prevention of Cruelty of Animals ( Regulation of Livestock Markets) Rules 2017 ba iadei bad ka jingdie ia kid oh jong ki mrad b aim.

 

Kane ka sienjam ka dei kaba la shim kum shibynta ban pyntreikam ia ka hukum bala pynih da ka IIngkashari Meghalaya High Court ba iadei bad ka Public Interest Litigation (PIL) bala mudui da ka Gau Gyan Foundation.

 

Ka Committee kala rai ruh ban pynlong ia ki jingialap paidbah ha kylleng ki jaka ba iadei bad ka jingpyntreikam ia ka aiñ Prevention of Cruelty of Animals ( Regulation of Livestock Markets) Rules 2017.

 

La ong ruh ba kat kum ka hukum bad ruh ka Food Safety & Standard Act 2006/Food Safetty & Standard Rules and Regulation 2011, ki nongdie doh/dukan doh kim dei ban shu thad lyngkrang ia ki doh kynthup ruh ban sh wah lane buh hakhmat ka dukan khlem da tap bha ban lait na ka jingboi skaiñ bad jaboh.

 

Ka Ophis ka Deputy Commissioner ryngkat bad ka Shillong Municipal Board lem bad ka Food Safety Commissioner, kin sa pynlong ia ki jingialang ban pynshai paidbah bad yn sa buh ruh da ka por ba kine ki kynhun kin pyndep ia ka kam.

 

Ka Deputy Commissoner kala bthah ruh ia u Assistant Commissioner of Food Safety ban pathai ia ka khubor bad ban ai ia ki  jinghikai kumno ban buh ia ki doh ha ki dukan die doh kynthup ruh ka jingker da ka iit ban lait na ka jingiaktah jong ki nongthied nongpeit bad jingboi skaiñ bad kiwei kiwei.

Ka Committee kala pynslur ruh ia ki seng Nongshoh doh bad dukan die doh ba kim dei ban pyndonkam ia ki pla plastic haba die ia ki doh jongki bad ban kyrpad ruh ia ki nongthied nongpet ba kin rah iala ki jong ki pla song.

Share post:

spot_img

Popular

More like this
Related

Jur ka jinghap thah ha Sikkim, sahkut palat 500 ngut ki nongshang suwari

Gangtok, Rymphang 21: Namar ka jingjur ka jinghap thah,...

Dawa ki nongrep ia u DC ban kem naphang ia kiba thang lum ha WKH

Nongstoin, Rymphang 21 :Ka seng ki nongrep Hills Farmers...

Kurup ki BSF ia ki dawai Phensedyl bad ka shini ba khappud Bangladesh

Shillong, Rymphang 21: Ki shipai BSF ha ka sngi...

Plie u Dr Mansukh ia ka workshop ka koit ka khiah ki Jylla NE ha Shillong

Shillong, Rymphang 21: U Myntri ka Sorkar Pdeng ba...