Shillong, Jylliew 16: 28 ngut ki Karateka jong ka All Meghalaya Karate-Do Association ba la ïalam da u Bah Donboklang Lyngdoh, Edwillbert K Nongkynrih bad ka Ester Mary Lyngdoh ki la ïashimbynta ha ka 4th KIO National Cadet Junior & Sub Junior Karate Championship 2025 kaba la long ha Dehradun naduh 12 haduh 15 tarik mynta u bnai.
Ka kynhun ka Jylla ka la khur 3 tylli ki takma, ka takma rupa da ka Esaranaki Kharjana ha ka Sub junior kynthei 13 snem -50 Kgs Ind Kumite, ka takma rnong da ka Daphishisha Shadap ha ka Junior kynthei -48 Kgs Ind Kumite bad ka takma rnong da u Royal Jayden Laloo ha ka Sub junior shynrang11 Kgs Ind Kumite -40 snem.
Ka Association ka ai khublei ïa ki nongjop takma na ka bynta ka jinglah jong ki bad ruh ka ai khublei ïa baroh ki nongïashim bynta ha kane ka lympung.
