spot_img

Rai ka Sorkar ban pyndonkam noh da ki Cable Car ba jur dheng kali ha Shillong

Date:

Share post:

Shillong, Nailur 6 : Ka sorkar jylla ka la rai ban pyntreikam noh da ki cable car kum shi bynta ban teh lakam ia ka jingjur palat ka dheng kali ha nongbah Shillong.

Haba pyntip ia kane, u Symbud Myntri Rangbah ka jylla, bah Prestone Tynsong u la ong ba halor katei ka mat ban wanrah ia ki cable car bad kiwei kiwei ki sienjam la dep ban shimkhia da ka Meghalaya Integrated Transport Programme.

“Ngi la dep ban buh lypa ia ki project management consultants (PMCs), kiba peit halor kine baroh bad shen kin sa wanrah da ki DPR bad na ka liang ka sorkar pat kan sa mang tyngka naka bynta ban sdang noh ia ka kam ” u la ong.

Kadei ha ka 29tarik mynta u Nailar, ba ka Meghalaya High Court ka la banjur halor ka jingdonkam ban pynleit jingmut noh da ki ropeway bad ki cable car bad ruh ban syllok bad ki briew ba shemphang ha katei ka kam ba kin ai jingkhein khnang lada ka long kaba lah ban pyntreikam kum shi bynta ban lah iakhun ia ka dheng kali kaba jur ha ka nongbah.

Na ka liang ka sorkar jylla ka la pyntip ruh ba ki lad don ki kynhun na shabar kiba la wan ban twad jingmut nalor ba ki don ruh kiwei ki agency kiba kloi ban wad bniah bad ruh ban bei tyngka ia ka projek.

Halor kane, ka Iing Bishar ka ong ruh ba donkam ban leh ei ei noh namar haduh mynta ka dheng kali kala ktah bun jaka bha khamtam eh ia kito kiba wan bad leit Guwahati bad khamtam eh hajan ka Khyndailad.

Kumta ha jingpynkhreh na ka bynta ban weng syndon ia katei ka dheng kali, ka la ong ba donkam ban leh ei ei noh bad shim ia ki sienjam kiba donkam.

Share post:

spot_img
spot_img

Popular

More like this
Related

Sikkim | Hadien 12 snem lap ba ieh ki doktor ia ka khanshi ha kpoh ka Longkmie

Gangtok, Risaw 19: Hadien ka jingshah puid kaba la...

Assam | Register ka CBI haduh 6 tylli ki ejahar halor ka jyrsieh khaii online ha kylleng ki jaka

Guwahati, Risaw 19 : Ka Central Bureau of Investigation...

Rah u Skhemlang Suba bad ka Filinza Hansapi ïaka Fit India Swacchta Freedom Run ha Ribhoi

Nongpoh, Risaw 19 : U samla Skhemlang Suba bad...

Kurup ki BSF ia u soh apple ba thmu shalan sha Bangladesh

Shillong, Risaw 19 : Ki shipai BSF ka Meghalaya...
spot_img