Shillong, Jylliew 11: Ka Jaiñtia National Council (JNC) lyngba ka Employment Commission hynne ka sngi kala leit kynduh ia u Manager jong kawei ka Petrol Pump kaba don ha ka shnong Mookhep, Lad Jalyiah, East Jaiñtia Hills ban dawa pynrung kam ia ki samla na ka District.
Ka JNC haka jingialam da u vice president u samla Nangjan Dkhar ha ryngkat ka jingdonlang u Assistant Waheh Chnong u Bah V Siangshai, kila iakren iapynbeit bad u Manager ka Petrol pump u M Rathore halor kane ka kam.
Une u Manager u la kular ban thung 2 ngut ki nongtrei na katei ka thain, ha kaba ka jingtrei kan sdang ha ka sngi nyngkong jong u bnai ban wan.
Ka JNC ka la pynpaw ba ha kane ka juk mynta, ha kaba bun ki samla ki khlem kam khlem jam, kan long ka jingkyrkhu kaba khraw lada ki kam khaii kum kane kin pyni ia ka jingkyrshan jong ki da kaba ai kam hynrei lada kim kyrshan ia ki samla da kaba tyrwa kam, ka buh jingkylli ia ka jingthmu ban seng ia ka kam jong ki ha ka thain.
Ka Council ka thmu ban buddien ia kane ka jinglong jingman ban pynthikna ba ki jingkular jong u Manager kin urlong.
 lyngba ka Employment Commission hynne ka sngi kala leit kynduh ia u Manager jong kawei ka Petrol Pump kaba don ha ka shnong Mookhep, Lad Jalyiah, East Jaiñtia Hills ban dawa pynrung kam ia ki samla na ka District.){kind=link}