Shillong, Jylliew 03: U MLA ka Jowai u Bah Wailadmiki Shylla hynne ka sngi, ula leit jurip ia ki ar tylli ki jaka ban tei ia ki 2 tylli ki Sub Centre.
Ia kine ki ar tylli ki sub centre yn tei ha ka shnong Sabahmuswang bad ha ka shnong Ialong kiba hap hapoh Jowai Constituency.
Ia u Bah Shylla la synran da ki nongialam shnong bad ki heh ophisar na ka tnad National Health Mission, West Jaiñtia Hills District.
Haba iakren bad ki nongpathai khubor, u Bah Wailadmiki Shylla ula pynpaw ia ka jingkmen ba kine ki ar tylli ki shnong kila ioh rung ha ka kyrdan ban ioh ia ki Sub-Centre.
Ula pynpaw ia ka jingkyrmen ba da kaj ingdon ia ki Sub-Centre kan ai jingmyntoi shibun ia ki paidbah khamtam eh ia ki longkmie bad ia ki khynnah rit.
