Shillong, Jymmang 29 : Ka Voice of the People Party (VPP) kala knieh noh ia ka pliang ja jong kiba bun ki Nongtrei casual ka Khasi Hills Autonomous District Council (KHADC) da kaba kyndang na ka kam ba ki trei, kaba wan jia ruh tang hadien arbnai ba kane ka seng sain pyrthei ka shimti ia u lakam ban synshar hapoh ka Council.
Na ki tyllong khubor ba iajan bad ka KHADC, kiba ki nongtrei casual kila shah beh na ka kam ki dei kiba trei khamtam kiba trei ha ka kyrdan Grade-IV bad don ruh napdeng jong ki, kiba la shah pynhiar kyrdan biang na kaei kaba ki trei mynta.
Ki Ophisar ka KHADC kila pynthikna ba kala don ka jingbehkam ia ki nongtrei casual hynrei kila buhrieh pat ban iathuh bniah da kaba ong ba u Chief Executive Member (CEM) u dang bishar ia kane ka kam.
Ka khubor ka iathuh ba kin don ym duna ia ka 40-45 ngut ki nongtrei casual ha KHADC ki ban ngat ha u sdie jong ka Executive Committee ka VPP bad bun eh na kine, ki dei kiba la thungkam da ki MDC jong ka Executive Committee kaba rim kynthup kiba don ha ka Liang Synshar.
Lah ban kdew hangne, kum kane ka jingiakyndang briew (nongtrei) ha KHADC ka dei kaba ju jia beit ha man ba don ka jingkylla ha ka synshar khadar khamtam haba shimti da kiwei pat ki seng sain pyrthei ban pyniaid ia ka Executive Committee (EC).
Kane ka jingkyndang nongtrei casual ka dei ka raibi bala iaid da ki phew phew snem hapoh KHADC. Ki EC ba thymmai ki ju kyndang ia ki nongtrei casual ban ioh thungkam bujli pat dala ki jong ki briew lajong, ban pynhun iala ki nongkyrshan ne nongthep vote ne ki bahaiing hasem.
Ka jingkylli ka mih mynta halor ka jingthmu jong ka VPP ban kyndang ia kine ki nongtrei casual…hato ka VPP ka thmu ban pynkut noh ia kane ka raibi-ka jingthungkam sopsop hapoh ka Council, ka jingthungkam tang ia ki briew ki riewsain pyrthei ne bahaiing hasem bad ban pyniaid noh ha ka lynti kaba dei ha ka jingthungkam thungjam….?
Baroh ki iohsngew bad iatip ba ka VPP ka kam ba ka ieng ha ka nongrim ban wanrah ia ka synshar khadar kaba khuid, ban kyndang lut ia ki kam jaboh jabain, ki jingthungkam bymhok, thungkam da kaba jied bahaiing hasem ne paralok parajor hynrei ki kam kiban jia ha KHADC kin sa pyni la kane ka nongrim jong ka VPP ka dei kaba shisha ne ka dei tang ka nia/jutang pynbiej paidbah ha ka por elekshon?.
 kala knieh noh ia ka pliang ja jong kiba bun ki Nongtrei casual ka Khasi Hills Autonomous District Council (KHADC) da kaba kyndang na ka kam ba ki trei, kaba wan jia ruh tang hadien arbnai ba kane ka seng sain pyrthei ka shimti ia u lakam ban synshar hapoh ka Council.){kind=link}