Shillong, Jymmang 29 : Ka Confederation of Meghalaya Social Organisations (CoMSO) bad ka Garoland State Movement Committee (GSMC) kila dawa ban sospon mardor ia 4 ngut ki nongtrei Data Entry Operator (DEO) jalor ka jingkynnoh donkti ban sam thok ia ki job card hapoh ka Mahatma Gandhi National Rural Employment Guarantee Act (MNGREGA) jong ka Demdema Block, West Garo Hills.
Kila dawa ruh ba dei ban pynlong ia ka jingleit pynshisha manla ki thliew iing ne ka door-to-door verification campaign ha baroh ki shnong kiba shah ktah bad ban pynduh pyndam noh ia ki job card ba ai thok.
Ia kane ka jingdawa la pynsngew ha ka jingialang bala pynlong da u Sub Divisional Officer (SDO) ka Dadenggre Civil Sub Division ha Demdema Block ha ka sngi Balang, kaba la pynlong hadie ka jingujor bala aiti sha ka Ophis u Deputy Commissioner ka West Garo Hills pyrshha ia ki jingshna thok bad sam thok ia ki job card hapoh kane ka skhim pynroi nongkyndong.
Ha kane ka jingialang la iashimbynta da ki nongpyniaid ka Block kynthup u Block Development Officer (BDO) ka Demdema, u Assistant Programme Officer (APO), Assistant APO, bad ki nongtrei ka Block lem bad ki dkhot ka CoMSO bad GSMC.
“Ha ka jingialang, ki Nongialam ka ComSO bad GSMC kila dawa ia u SDO bad BSO ban leh eiei mardor bad ban ai ka jing pynshitom pyrshah ia ki 4 ngut ki DEO ba shah kynnoh. Ngi dawa ban sospon mardor ia ki bad ban leit pynshisha man ki thliew iing ha ki shnong ba shah ktah ban pynithuh bad pynduh pyndam noh ia ki job card ba ai thok” ong ka kyrwoh bala phah lang da ka CoMSO bad GSMC ha ka sngi Palei.
“Ngi sngewkmen ban pyntip sha ki paidbah ba u SDO ka Dadenggre ula kular ban leh ia kaba donkam kynthup ka jingsospon ia ki DEI ba kynnoh nalor ban leit pynshisha ia ki job card” kila ong.
Kila ong ba ha ka jinglum jingkhein la shem ba ki 4 ngut ki DEO kila register da ki spah tylli ki job Card ha ka MGNREGA database, kaba pynmyntoi eh ia ki paid Muslim khlem kano kano ka jingpynshisha lane ka jingioh jingbit na ki bor ba dei khmih kata u BDO.
Kaba ima ka long ba tang ha kawei ka shnong, jan kot 200 ngut ki briew la register tang ha ka shisnem khlem da iaid kat kum ka lynti kaba dei, kaba kdew ia ka jingleh bym hok bad pynkhein ia ki kyndon treikam.
 bad ka Garoland State Movement Committee (GSMC) kila dawa ban sospon mardor ia 4 ngut ki nongtrei Data Entry Operator (DEO) jalor ka jingkynnoh donkti ban sam thok ia ki job card hapoh ka Mahatma Gandhi National Rural Employment Guarantee Act (MNGREGA) jong ka Demdema Block, West Garo Hills.){kind=link}