Shillong, Jymmang 20 : U MDC ka Laban-Mawprem Bah Ricky Shullai, ula kyrpad ia u Myntri Rangbah ka Jylla Conrad K Sangma, ba un tuklar lem da kaba iakren bad ka Ministry of Defence (MoD) lem bad ka Ministry of Home Affairs (MHA) ban pynphai noh ia ka madan Kirket Laban sha ka shnong Laban.
Une u MDC ula leit ban iakynduh markhmat ia u Myntri Rangbah ka Jylla hynne ka step hapoh ka Iingsah jong u.
Haba kren sha ki lad pathai khubor, u bah Ricky ula ong ba ka madan Kirket Laban ka dei kaba la ai jingshakri bha ia ki nongshongshnong ka Laban bad ka sor Shillong khamtam lei ia ka Laban Sport Club. Ula pynpaw ba ka jingpynphai biang ia ka madan kan long ka jingiarap kaba khraw ban kyntiew ia ki kam ialehkai hapoh ka thain Laban.
Kat kum ka jingong jong u, kane ka jingmut kala wan ha u hadien ka jingiohi ia kaei kaba ha Mizoram ha u bnai Lber mynta u snem haba ki shipai Assam Rifles kila pynphai noh ia ka jaka ba heh haduh 106 acre sha ka Sorkar.
U Bah Ricky ula ong ba ka madan Kirket ka dei kaba don shibun ki khana bad ka dei ruh ka jaka ba pynbam smai ia u Myntri Rangbah ba nyngkong ka Assam u Gopinath Bordoloi ha u snem 1947 bad kumjuh ruh ia u Myntri Rangbah ba nyngkong eh ka Jylla Meghalaya ha u snem 1972.
Haba kylli, une u MDC ula pyntip ba na ka liang u Conrad ula kular ba un sa shimkhia ban iakren bad ka Sorkar Pdeng haba pynpaw ruh ia ka jingsngewtynnad ba don kum kane ka jingpynsngew.
 lem bad ka Ministry of Home Affairs (MHA) ban pynphai noh ia ka madan Kirket Laban sha ka shnong Laban.){kind=link}