Shillong, Jymmang 07: U Chief Secretary (CS) ka Jylla Bah DP Wahlang hynne ka sngi Balang, u la lum ia ka jingialang bishar kam halor ka jingpyntreikam ia ki skhim ha ki District ka Rilum Garo. Ia kane ka jingialang la pynlong ha Tura West Garo Hills District.
Ki skhim kiba la iakren ha kane ka jingialang ki kynthup ïa ka Prime Minister Awas Yojana (Urban/Rural), National Highways & Infrastructure Development Corporation Limited (NHIDCL), Prime Minister Surya Ghar Muft Bijili Yojana, Mission Education, ka jingpynrung kyrteng Aadhar bad ka jingpyniasoh ia u Aadhar bad ka Card NFSA ration, MHIS bad ki jingtei haka tnat ka koit ka khiah, PM-SYN/ PMSBY/ PMJJBY bad ki khana jingjop namar kine ki skhim.
Ha kane ka jingialang bishar kam, la pyni ia ka jingiaid shaphrang ban pyntrei iaka skhim PMAY hi District ka Rilum Garo bad la ia kren ia ki jingeh jong ka geo-tagging namar ka jingbym biang ka Network, ki jingeh jong ki nongioh jingmyntoi kiba sah ha ki jaka Sorkar, ka jingpyniasoh ia u Aadhar bad kiwei ki skhim Sorkar.
La bishar ruh ia ki projek ba la pyntreikam da ka NHIDCL kaba la pyni ia ka jingiaid beit ki kam ha ka surok Tura –Dalu, Dainadubi –Darugre katba ka surok Baghmara sha Shillong ka la jan dep.
Ha kane ka jingialang u Chief Secretary u la kyntu ia baroh ki Deputy Commissioner ba kin bishar bniah ia baroh ki skhim bad ban buddien ia ka jingiaid ka jingpyntreikam ia kitei ki skhim.
Haba ia dei bad ki nongioh jingmyntoi na ka PMAY, u la ong ba ym bit ban iehnoh ia kino kino ki bym don iing don sem ha ka Jylla bad ula bthah ba ia kum kita dei ban shah kynthup ha ka skhim PMAY.
U la kyntu ruh ïa baroh ki Deputy Commissioner jong ka thaiñ Garo Hills ba kin pynsuk ïa ka jingpynrung kyrteng Aadhar bad ka jingpyniasoh ia u Aadhar na ka bynta ban ïoh ïa ki skhim Sorkar bapher bapher.
U la bthah ruh ïa ki Deputy Commissioner ba kin kylli bniah halor ka prokram ba ju pynlong da ka tnad Directorate of Information and Public Relations kham mynshwa kum ka RIC (Rural Information Campaign) ban pynsngewthuh ïa ki paidbah halor ki skhim bad ki prokram jong ka Sorkar.
U Chief Secretary u la kyntu ruh ia ki heh Sorkar ba kin pynpaw ia ki skhim social security bad ka jingiarap pisa ba la ai sha ki nongpang hapoh ka skhim MHIS da ka Sorkar da kaba kdew ba kine ki dei ki skhim kiba iarap shisha ia ki paidbah baduk bad kyntu ia ka tnad ban pynmih ia ki khana jong ki jingjop jong ki.
 ka Jylla Bah DP Wahlang hynne ka sngi Balang, u la lum ia ka jingialang bishar kam halor ka jingpyntreikam ia ki skhim ha ki District ka Rilum Garo. Ia kane ka jingialang la pynlong ha Tura West Garo Hills District.){kind=link}