Itanagar, Jymmang 01: Uwei u nongtrei bylla uba shah rahbor ha ki lehnoh NSCN- Khaplang-Yung Aung (NSCN-YA) na kawei ka jaka trei ha Pongchau, Arunachal Pradesh, u la ïap na ka jingiather kuli mar kylliang hapdeng ki bor pahara bad ki kaikhlaw NSCN-Khaplang-Yung Aung (NSCN-KYA).
Une u nongbylla uba la khlad noh udei u Giyas Uddin uba trei jong ka PSK Enterprise ba trei ha kawei ka skul sorkar kaba don ha Pongchau.
Ki tyllong khubor ki iathuh ba u Uddin u la khlad noh hapdeng ka jingiasiat mar kylliang.
Ha ka miet jong ka sngi thohdieng, u Giyas Uddin bad u Site Supervisor u Janlung Wangpan ki la shah rahbor na ki thain Pangchao ha Arunachal Pradesh ha Longding district, kaba don ha khappud bad ka Ri Myanmar.
Hadien ka jingtip ba thikna, ki shipai bad ki Assam Rifles kila pynlong ka jingkhynra ha Pangchao ha ka sngi U Blei.
Ha kane ka jingkhynra, 4 ngut ki kaikhlaw ka NSCN-KYA ki la iap katba u Uddin u la mynsaw hynrei hadien u la khlad noh namar ka jingmynsaw.
Ki kaikhlaw NSCN-KYA kiba la kyllon iap kidei ki trai ri Myanmar.
Nalor kane la kem sa 3 ngut kiwei pat ki kaikhlaw kata uwei na Arunachal Pradesh bad uwei pat na Nagaland ha ka por ba pynlong iaka jingkhynra
 na kawei ka jaka trei ha Pongchau, Arunachal Pradesh, u la ïap na ka jingiather kuli mar kylliang hapdeng ki bor pahara bad ki kaikhlaw NSCN-Khaplang-Yung Aung (NSCN-KYA).){kind=link}