Tura, Iaiong 30: Ka Garo Hills Catholic Union (GHCU) ka la pynrem jur ïa ka khubor ba pynmih ha ka facebook page “The All Garo Hills Times Now” bad “Ephilson Sangma,” kaba ka ong ba ka dei ka kam bathmu ban pynthohbria ia ka Balang Catholic bad ia u Kpa Bakhuid Pope Francis.
Ha ka kyrwoh bala pynmih da u Secretary, u H. N Marak, ka GHCU ka la pynpaw ïa ka jingbitar halor ka jingpynphriang ïa ka khubor bad ki dur ia kaei kaba ka la khein kum ki jingthoh ki bym lah ban pynshisha bad kiba shu pynjah burom, da kaba niew ruh ia ki kum ki kam “ki bym don jingkitkhlieh” bad “kiba pyniapait iapra.”
Ka Union ka kynthoh ba kum kine ki kam kala pynmong jur bha ia ka jingsngew jong ki million ki riewngeit Catholic bad ka iarap ban pynphriang ia ki jingtip kiba bakla, bad pynmih ia ka jingiashrut niam.
“Baroh ki Niam, ki Jinghikai , bad ki Nongialam ki dei kiba hap ban burom bad niewkor” ong ka GHCU haba ban jur “Ngim ym shu sngap ia kino kino ki jingpyrshang ban pynthohbria lane kren bein ia ka jingngeit jong ngi”.
Kum ka jubab, ka GHCU ka la aipor 48 kynta sha ki briew ba don bynta ha kaban pynmih ia kane ka khubor. Ka Union kala dawa ruh ban pynmap paidbah na ki nongpyniaid/trai jong ka “The All Garo Hills Times Now” Page, u briew bala ithuh kum u nongiashimbynta ha kane ka juh ka FB page, bad u briew ba ha lyndet ka “Ephilson Sangma” page.
Nalor ka jingpanmap paidbah, ka GHCU kala dawa ia iwei pa iwei napdeng kine ki briew ba kin wan panmap dalade sha ki nongialam jong ka Union.
Lada ym leh ia kane, ka kyrwoh ka maham, ba kan lam sha ka jingleh da ki kam ba tyngeh lyngba ki lad ki lynti jong ka ain bad ka imlang sahlang.
Haba kut jingmut ban ieng iada ia ka burom jong ka Balang Catholic bad ki Nongialam jong ka, ka GHCU kala ong ba kan jubab da kaba tyngeh ia kino kino ki jingpyrshang ban niewbein bad pynphriang ia ki jingpynbna ba sniew pyrshah ia ka Balang hadien habud.
Ka Union kala kyntu ruh ia ki paidbah ba ki lad pathai khubor ba kin pyndonkam da ka jingkit khlieh ia ka hok ba laitluid ban pynpaw ia ki jingsngew jong ki bad ban kiar na ka jingpyndonkam ia ki rynsan digital ban pynmih ia ka jingiashun lane ki khubor lamler.
 ka la pynrem jur ïa ka khubor ba pynmih ha ka facebook page “The All Garo Hills Times Now” bad “Ephilson Sangma,” kaba ka ong ba ka dei ka kam bathmu ban pynthohbria ia ka Balang Catholic bad ia u Kpa Bakhuid Pope Francis.){kind=link}