Guwahati, Iaiong 26: Ka jingïakynad kaba jur kala jia hapdeng ki arkynhun tang na ka daw jong ka jingtih shyiap beaiñ ha ka wah Dhanashree ha Silbari, Dalgaon (Darrang district) kaba la poi sha u pud ba haduh saw ngut ki pulit kila mynsaw bad lam sha ka jingshah kem haduh lai phew saw ngut ki briew ha ka miet sngi Thohdieng.
Kane ka jingjia kala mih ha ka por ba don ka jingïakynad halor ka pisa tyngka hapdeng ki ar kynhun jong ki contractor bad kawei ka kynhun ba la lam khmat da u Kabir Ali bad kawei pat kynhun da u Zahidul Islam, u Habibur Rahman, u Ekmadul Haque bad u Mustak Ahmed. Ka jingklumar ka dang jur shuh shuh hadien ba ki nong snong shnong kila mih ban pyrshah ia ka jingtih shyiap beain ha Silbari, kaba la pynlong ia ki pulit ban tuklar.
Katba ki Pulit ka Shibari ki dang pyrshang ban teh lakam ha kaba iadei bad kane ka jingjia, kynsan kynsan kila shah shah thom da ka bor ha ki paidbah kaba la lam pat ia u Sub-Inspector u Rupankar Das, u Major Pradeep Boro, u Anand Das, bad u Jewel Hazarika ba kin mynsaw ha kane ka jingshah thombor bad la pynkit noh ia ki sha Gauhati Medical College and Hospital (GMCH) bad kham hadien la rah ban shah sumar noh ha Kharupetia CHC bad ha Mangaldai Civil Hospital.
Na ka liang ki pulit jong ka Dalgaon mar mar kila shim khia ia kane ka kam bad la kem haduh 34 ngut ki briew ba kynthup lang ruh ia u Azad Ali, u Mafidul Islam, bad u Abu Bakkar Siddique, ia kaba la phah ia ki judicial custody.
Ki bor ba dei peit kila ujor la ka jong ka case pyrshah ia 30 ngut kiba la shah kynnoh ba ki ktah kti ia ki pulit bad kiba khang lad ia ki oulit ban pyndep ia la ka jong ka kamram bad kala don ruh ka jingshah pynjulor ia ki kali sorkar bad shuh shuh ka tyllong khubor la iathuh ba ki don kumba 100 ngut ki briew kiba donkti ha kane ka jingthombor bad shibun ki suba donkti ki dang phet rieh.
Ka daw tynrai jong kane ka jingiakynad kadei ba la mih tang na ka jingia klumar pisa kaba la slem bha hapdeng kin ear kynhun. Ha shwa jong kane u Kaushik Choudhury uba dei u contractor u la dep ban ujor da ka complaint pyrshah ia u Zahidul Islam bad kiwei de da kaba kynnoh dawa pisa ba ka mih kane ka jingklumar.
Lyngba kane ka jingjia, ka la pynpaw pyrthei biang ïa ka jingjyllei bha jong ka jingtih shyiap beain ha Darrang District.
Ka All Assam Minority Students’ Union (AAMSU) Darrang unit kala pynrem jur ia kane ka jingjia bad dawa ruh ba dei ban shim kam pyrsha ia kito ki briew kiba donkti.
Haba tuklar halor kane ka jingjia ba khlem sangeh, ki bor pyniaid District kila pynjari bad buh noh da shipai military bad paramilitary forces ba kin pahara ha shi lynter wah bad ki bor ba dei khmih ki dang peitngor bha halor kane.
 kaba la poi sha u pud ba haduh saw ngut ki pulit kila mynsaw bad lam sha ka jingshah kem haduh lai phew saw ngut ki briew ha ka miet sngi Thohdieng.){kind=link}