Shillong, Iaiong 23 : Ka Jaintia National Council (JNC) ha ka sngi Balang, kala ioh kem ia 5 ngut ki suba nong Bangladesh na East Jaintia Hills District hadien ka jingkynnoh rung tuh sha India khlem ki kot ki sla kiba treikam.
Kane ka jingkhynra ia ki mynder ba rung beain la pynlong ka ka JNC hapoh ka jingialam u samla Ency Shadap, Chairman ka Employment Commission, ha surok National Highway-6.
Haba kylli pyrthew,kine ki suba nong Bangladesh kila pynpaw ba kila rung tuh sha India da ka jingiarap jong ki trai shnong na khappud bala tip kum ki Dalal, kiba la ohdor hapdeng T.1000 bad T.2000 shikhlieh. Ki la phla ba ka jingthmu ka long ba kin leit wad kam bylla ha ki thain ba don ki karkhana dewbilat ha Umpleng, East Jaintia Hills, ula ong.
Na ka liang ka JNC kala aiti noh ia kine ki briew sha u Officer incharge ka Infiltration ha Umtyr-a, East Jaintia Hills ba kin leh ia kaba donkam haba dawa ruh ban pynlong ia ka jingtohkit kaba bniah ia kane ka kam.
Une u Ophisar ula ai ka jingkular ban sa shim ia ki sienjam kiba donkam ban shim kynthup ruh ka jingujor suo moto case pyrshah ia ki briew kiba pynrung tuh.
 ha ka sngi Balang, kala ioh kem ia 5 ngut ki suba nong Bangladesh na East Jaintia Hills District hadien ka jingkynnoh rung tuh sha India khlem ki kot ki sla kiba treikam.){kind=link}