Nongstoiñ, Nailur 1: Uwei u samla ba la tip kyrteng kum u Phrangsngi Mawlieh 26 snem ka karta, na ka shnong Missei Porthyrnang kaba hap ha Mawshynrut Block, u la jah rngai na la їing naduh ka 24 tarik u bnai Nailar bad um pat wan phai їing haduh mynta.
U bah Bonifast Tyrsa u kpa jong utei u samla haba їakren bad u nongthoh khubor mynta ka sngi, u la їathuh ba hadien ka jingjah jong une u Khun, ki bahaiing ryngkat ki Nongshongshnong ki la leit wad kylleng kylleng hynrei kim shym la lap satia.
U pyntip ba ki pulit ka Riangdo ki la trei shitom bha ban wad jingtip, hynrei haduh mynta kim pat lap satia haei u don. Nalor kata u la їathuh ruh ba ki la їoh jingtip ba utei u khun jong u, u la poi ha Nongstoiñ bad ki don ki briew kiba la їakynduh їa u.
Hynrei hadien katto katne por u la phet noh bad haba kiba haїing ki la wan poi ha Nongstoiñ, kitei ki briew ki la ong ba u la phet noh.
U bah Bonifast u la kyntu їa kino kino kiba lap ne їakynduh їa u, kin sngewbha ban pyntip ha u da kaba phone ha une u number 9863375228.
