Dibrugarh, Iaiong 19: Ki Dkhot bad nongkyrshan ka Vishva Hindu Parishad (VHP) ki la pynlong ïa ka jingïakhih paidbah ha bar ka ophis treikam jong u Deputy Commissioner (DC) bad dawa pynjari da ka President Rule ha West Bengal namar ka jingjur ki kam thombor iaki riewngeit Hindu.
Ka jingïaid paidbah ka la sdang na Chowkidingee bad kila iaid sha ophis DC, ha ryngkat ka jingrah ïa ki plakad bad ki banner kiba kynnoh ïa ka Sorkar ba la ïalam da ka Mamata Banerjee ba kam shym la lah ban ïada ïa ki nongshong shnong khamtam iaki riewngeit Hindu.
Haka jingiaid paidbah, ki dkhot ka VHP kila pyrta bad kila dawa naka Sorkar Pdeng ban tuklar.
Kane ka kynhun ka la aiti da ka Dorkhas shaka President ka Ri India ka Droupadi Murmu lyngba u Deputy Commissioner u Bikram Kairi.
“Ki jingjia jong ka jingshah thombor pyrshah ïa ki Hindu ki nang kiew man ka sngi. Ki ïing ki shah thang bad shah pynjot ïa ki mar ki mata, hynrei ka Sorkar West Bengal kam leh eiei,” ong u Dimbeswar Hazarika, president ka VHP’s Dibrugarh Unit.
“Ka jingïakynad paidbah kaba dang shen ha Murshidabad ka pyni ba ka jingsynshar Jylla ka la duh bor. Namar kata donkam ban pynjari daka President Rule”.
U Hazarika u la kynnoh ba ki pulit ha West Bengal kim shym la lah ne kim treh ban tehlakam ïa ki paidbhur kiba thmu ban thombor ïaki shnong jong ki riewngeit Hindu, kaba la pynlong ïa kiba bun ki longïing ban phet krad noh na Murshidabad district da ka jingtieng ïa la ka jong ka jingim.
Ka dorkhas bala aiti da ka VHP ka kyrpad ïaka President ban pynduh noh ïa ka Sorkar Jylla katkum ka kyndon 356 jong ka riti synshar ka ri bad ban pyntreikam daki bor Sorkar Pdeng ban pynphai biang ïa ka jingsuk bad ka jingshongsaiñ.”
 ki la pynlong ïa ka jingïakhih paidbah ha bar ka ophis treikam jong u Deputy Commissioner (DC) bad dawa pynjari da ka President Rule ha West Bengal namar ka jingjur ki kam thombor iaki riewngeit Hindu.){kind=link}