Shillong, Iaiong 16 : Ka Yummy Noodles, ka mar (brand) kaba don ki tynrai ha ka jylla Meghalaya, ka la pynkut ia ka tamasa Yummy Talent Fest kaba nyngkong eh jong ka.
Kumba 142 ngut ki riewdon sap kila wan iashimbynta ha kane ka tamasa kaba la pynlong ha U Soso Tham Auditorium, Shillong naduh ka 5 tarik Naiwieng 2024. Napdeng kine, la jied ia 20 ngut kiba la poi sha ka phainal, kaba long ha ka 5 tarik u Iaiong 2025.
Ha ka kyrdan Entertainment, ki nongjop ki dei I Nongrwai Ariana Syiem iba la wan ba nyngkong, u Mewan Aikupar Ryntathiang uba dei u nongrwai rap, ula wan ba-ar bad I Daphilakhamti Mary Pyngrope iba la jop ha ka thup jingrwai ha ka kyrdan kaba lai.
Ha ka kyrdan Creativity, ka Kynhun Gary & Rimeca kala wan ba nyngkong ha ka thup Cosplay, u Pynkitbor Kharbani uba dei u sketch artist ula wan ha ka kyrdan ba-ar bad I nongthain jingthait (crochet artist) Cuty Kharbuki ila wan ha ka kyrdan kaba lai.
Ia ka Yummy Talent Fest la pynwandur kum ka rynsan ban ithuh bad nang pynkhraw ia ki rew don sap ka Jylla. Kum ka kompani ba pynmih ia ki Noodle-Ready-to-East-Noodle ba nyngkong eh ha India, kaba don ruh ia ka karkhana bad ki nongthied kiba bun tam ha Meghalaya, ka Yummy Noodle kala wad ia ki lad ki lynti ban siew kylliang sha ka imlang sahlang kaba la kyrshan ia ka naduh u snem 2008.
Ki nongjop kila ioh ia ka khusnam kaba T. 2 lak kaba ka Yummy Noodles kala ai kum ka jingpynkupbor ia ka imlang sahlang lyngba ki sap ki phong bapher bapher.
Ha ki bnai shuwa ka phainal, la pyni ia ki nongiashim bynta ha ki rynsan social media ban iarap ia ki ba kin ioh ia ka jingithuh na ka ri India ban pyni ia ki sur bad ki sap ba kyrpang jong ki.
Ka Rithika Baruah, Chief Marketing Officer of Yummy Noodles, ka lah ong, “Ngi sngew sarong haduh katta katta ban pynlong ia ka Yummy Talent Fest. Ka thong jong ngi ka long ban thaw ia ka rynsan ha kaba lah ban ithuh bad pyni ia ki sap ba la buhrieh jong ka Meghalaya. Ka jingiatreilang jong ka imlang sahlang ka la long kaba phylla, bad ngi sngewkmen ban don bynta ha kaba pyni ïa ka jingstad kaba don hapoh ka thaiñ. Kane ka dei ka rukom jong ngi ban ai kylla pat sha ka imlang sahlang da kaba nang kyntiew ia ki pateng kiba wan kiba tbit ha ka put ka tem.”
 kaba don ki tynrai ha ka jylla Meghalaya, ka la pynkut ia ka tamasa Yummy Talent Fest kaba nyngkong eh jong ka.){kind=link}