Shillong, Iaiong 15 : U MP ba marwei ka Jylla sha Rajya Sabha bad President barim ka NPP-Meghalaya Dr WR Kharlukhi ha ka sngi Ba-ar ula pynbna ia ka rai ban shongthait kum u MP.
“Em, nga pan map, nga dei ban shongthait noh. Ki Nongtrei Sorkar ki shongthait ha ka rta ba 58 snem. Shuwa ka samoi ban wan, nga la jan kynjoh ia ka 70 snem, kumta nga sngew ba kiba dang kham samla kin shimti noh” ong u Dr Kharlukhi haba iakren bad ki nongthoh khubor.
Haba kylli, u Dr Kharlukhi ula ong ba ka shong pat ha ka NPP ban rai iano ba kan jied ia u/ka kyrtong ba kin long MP thymmai sha Rajya Sabha.
Halor ki jingjop treikam jong ka Sorkar MDA ha kine ki hynniew snem bala leit noh, une u Nongialam ka NPP ula ong ba ka Sorkar ha ka por jong ka Sorkar MDA-I kala aiti ia ka kaiphod hashuwa ka elekshon kaba kdew ia ki kam ba kala leh bad kaei kaba kila pyrshang ban leh haba phai sha ki surok, ki kam jngohkai bad kiwei kiwei.
