“Ka ‘jingkynjai bad jingsngewrit’ ka pynioh ia ka jingieid na baroh” : Conrad
Tura, Nailur 01: Ka National Peoples Party (NPP) kala rakhe ia ka lyngkhuh sngi kha ba 75 snem jong u (L) Purno A Sangma hynne ka sngi palei ha kiba bun ki Jylla ka Ri India ban kynmaw burom ia une u Nongseng ka party bad ia ka synniang ba ula ai na ka bynta ki paid riewlum, ki rit paid bad kiba tlot bor ha ka imlang sahlang.
Hangne ha Jylla Meghalaya ruh, ki Unit jong ka NPP kila pynlong ia kane ka jingrakhe ha kylleng ki jaka jong ka Jylla.
Ha Tura, u Khliehduh ka NPP bad Myntri Rangbah ka Jylla, Conrad Kongkal Sangma lem bad para kaba dei ka MP ka Lok Sabha ka Agatha K Sangma, kila leit pyndon burom iala u jong u Kpa ha u Lum Jingtep ba pynthiah jah thait ia une u Nongialam ba radbah jong ka Jylla.
Paid floral tribute to our leader and my dear father, (L) Purno A Sangma on his 75th Birth Anniversary.
The National People’s Party is my father’s legacy. May his values and his vision always guide us to work for the people he loved and continue the work he started. pic.twitter.com/aZgLeESoIO
— Conrad Sangma (@SangmaConrad) September 1, 2022
Baroh ki Nongialam jong ka Party kila ialum lang hapoh ka District Auditorium ha Tura ban kynmaw burom ia une u Nongialam ka Jylla, haba pynkynmaw ruh ia ki jingshem jong ki haba iadei kam bad u (Purno).
In celebration of the life of (L) P A Sangma, the P A Sangma Foundation & @nppmeghalaya organised a program in Tura to remember the great leader on his 75th Birth Anniversary. pic.twitter.com/3bPO9JIFeR
— Conrad Sangma (@SangmaConrad) September 1, 2022
U Myntri Rangbah ka Jylla Conrad Kongkal Sangma ha kane ka sngi ula ot ruh ia u cake lem bad kiwei ki Nongialam ka Party.
Haba kren ha ka jingialang, u Conrad, uba dei u Khun khatduh jong u Purno, ula ong ba ki Nongrim bad ki matti jong u Purno A Sangma kin iai im shirta.
Ula ong ba u (L) P.A Sangma ula pyni ha ka jingim jong u ba dei ka bha ka miat jong u paidbah kaba wan hakhmat duh. Ula pyntip ruh ba u P.A Sangma ula pynkha ia ka NPP kum ka party ban ai ka rynsan ia ki paidbah ka thain Shatei Lam Mihngi bad kiwei ki paid riewlum ka Ri ba kin pynsawa ia ka sur jong ki.
Une u Khliehduh ka NPP ula ong ba dei ka jingiohi jngai jong u Purno A Sangma ba ka NPP mynta ka la dei kawei na ki National Party na ka Thain Shatei Lam Mihngi, kaba mihkhmat shisha ia ka sur jong ki paid ka thain Shatei Lam Mihngi.
Une u Khiehduh ka NPP ula bynrap “Ka jingkynmaw ia u briew hi ka dei na ka jinglong kynjai bad jingsngewrit. U P.A Sangma u don ia kane ka jinglong kaba pynioh ia ka jingieid na baroh ki paralok bad wat kito ki bym mynjur bad u”.
(L) P A Sangma was the biggest propagator of the North East who very persistently worked to ensure the issues of the North East took center stage.
He will forever remain an inspiration to our region, his ideals a guiding force for each of us.#PurnoForever
— Conrad Sangma (@SangmaConrad) September 1, 2022
Haba khein ia u (L) PA Sangma kum u Nongialam ba don mynsiem shisha, u Conrad ula bynrap “ U PA Sangma ula kylla long u Khynnah khunswet na kawei ka sor rit sha u Nongialam uba tied miej ha Iingdorbar Parliament ban iasaid ia ki jingeh ka thain Shatei Lam Mihngi. Kiba bun ki kynmaw ia u kum u Nongialam uba ju wanrah ia ki ishu jong ka thain Shatei Lam Mihngi bad ka sur jong ki paid riewlum ha Delhi”.
U Myntri Rangbah ula pynshlur ia ka jingialang ba kin leh ia ki kam bapher bapher ban rakhe ia ka lyngkhuh snem ba 75 bad ia ka jingim u PA Sangma, ka ban long ka jingkynmaw burom ba don nongrim shisha ia une u Nongialam ba radbah.
