Shillong, Lber 31: Ka Meghalaya Power Distribution Corporation Limited (MePDCL) kala pynbna ba kala pynjlan ia ka jingpyntreikam ia ka One-Time Settlement (OTS) Scheme 2025 sa shi bnai, ban plie lad ia ki nongthang bording ba kin ioh ia ka por ban siew ia ka bai bording kaba dang sahteng ka jong ki.
Ka MePDCL kala buh iaka tarik kaba khatduh ban pyntreikam ia ka OTS ka dei haduh ka 31 tarik u Lber 2025 bad mynta la pynjlan ia kane ka scheme haduh 30 tarik u Iaiong 2025.
Ia katei ka rai la shim kadei hadien ba kila don bun bha ki briew kiba la iashimbynta ha katei ka scheme naduh ba la sdang pyntreikam ia ka, da u Myntri Rangbah ka jylla u Conrad K. Sangma ha ryngkat bad u Myntri ka tnad Bording u AT Mondal ha ka 4 tarik u Lber 2025.
Ka MePDCL kala pynwandur ia ka OTS Scheme 2025 ban pynsting ia ka jingkhia jong ka jingsiew ia ki nongshim ia ka bording kiba hap ha ka Domestic bad BPL kaba ka long hapoh jongka 5KW bad kiba la shah ot noh ka bording namar ka jingbym siew ia ka bai bording.
Hapoh jong kane ka scheme, ki nongshim bording ki lah ban shim ia ka 100% Waiver halor ka Delay Payment Surcharge (DPC) ne ka jingslem ban siew pyndep ia ka bai bording bad ki lah ban jied ban siew shisien siew ne ban siew da ka Installment kaba khlem donkam shuh ban siew ia ka ram.
Kila don baroh 12,262 ngut ki nongshim bording kiba la pynrung kyrteng haduh mynta bad ka pisa kaba kidei ban siew ka long T.15.97 Klur ha kaba T.11.13 Klur kadei ka dor trai bad T. 4.84 Klur kadei kaba la dep ban map noh.
Ka jingpynjlan ia kane ka OTS Scheme 2025 haduh ka 30 tarik u Iaiong 2025, ka long ban ailad ia ki nongshim bording ba kin ioh siew pyndep ia ka bai bording kaba dang sahteng bad ban kiar na ka jinghap ban siew ia ka jingshah dain kuna.
Ha ka kyrwoh khubor, ka MePDCL kala kyntu jur ia baroh ki nongshim bording ba kin shimkabu ia katei ka jingpynjlan ia ka scheme bad ban siew pyndep noh ia ka bai bording ka jongki kiba long ha ki kyndon kiba biang.
Ban iashimbynta ha katei ka scheme, ki nongshim bording ki lah ban leit ha ka ophis jong ka MePDCL kaba don hajan lane ban phone ha u Toll-Free Number 1912 ban ioh ia ki jingtip kiba bniah bad ban pynrung kyrteng ialade.
 kala pynbna ba kala pynjlan ia ka jingpyntreikam ia ka One-Time Settlement (OTS) Scheme 2025 sa shi bnai, ban plie lad ia ki nongthang bording ba kin ioh ia ka por ban siew ia ka bai bording kaba dang sahteng ka jongki.){kind=link}