Shillong, Lber 19 : U Myntri Rangbah ka Jylla Conrad K Sangma ha ka sngi Balang ula kyrpad ia ka Sorkar Pdeng ba kan aipor hynriew bnai ia ka Jylla ba kan pyndep ia ka jingpynrung kyrteng ban pyniasoh ia baroh ki nongioh ia ka Supplementary Nutrition Programme (SNP) lyngba ka Aadhaar bad eKYC nalor ka Facial Recognition System (FRS).
Ha ka shithi bala phah sha ka Myntri ka Women & Child Development Annapurna Devi, u Conrad ula ong “Ka jigsdang ban pynrung ia ka eKYC bad ka jingring ia ka durkhmat ha ka kor, kala dep sdang shaid shaid. Namar kata, nga kyrpad ban aipor ia ngi hynriew bnai ba ngin lah ban pynrung bad pyniasoh ia baroh ki nongioh jingmyntoi lyngba ka Aadhaar bad eKYC bad FRS, ki ban long ka jingiarap kaba khraw ban ai sha ka Jylla”.
“Nga kyrpad ruh lada ailad ia ka Jylla ba kan lah ban buh kynthup lang ia baroh ki MPR beneficiary bala register ruh ba kin ioh ia ka SNP tad haduh katei ka por” ula bynrap.
Haba pynpaw ia ka jingeh ba iakynduh da ka Jylla haba iadei bad ka Supplementary Nutrition Programme (SNP), u Conrad ula ong bad kat kum ka MPR data, ka Jylla ka don haduh 5,85,254 ngut ki nongioh jingmyntoi hynrei hapoh ka POSHAN TRACKER tang 4,00,572 ngut ki dei kiba nongioh jingmyntoi bala register hapoh ka POSHAN 2.0. Kane ka mut ba 1,84,682 ngut kila shah ieh.
Ha kajuh ka por, u Myntri Rangbah ula pyntip ba ka Sorkar Jylla kala nang pyrshang borbah ban pynrung Aadhaar bad seeding ia kine ki nongioh jingmyntoi. Ka jingthied ia ki smartphone ia ki nongtrei Anganwadi kala don ha ka bynta kaba khatduh eh ban pyndep, ula bynrap.
 lyngba ka Aadhaar bad eKYC nalor ka Facial Recognition System (FRS).){kind=link}