Shillong Lber 19: Ka Federation of Khasi Jaintia and Garo Peoples (FKJGP) hynne ka sngi Balang, kala leit iakynduh ia u Myntri ka Tnad Bording u AT Mondal bad kala dawa ban thungkam noh ha ki kam kiba lait thylli ha ka MeECL bad lada ka sorkar kam leh eiei ka FKJGP kan sa shong pyrkhat ban shim noh da kiwei pat ki sienjam.
U President ka FKJGP u Bah Dundee C Khongsit haba iakren bad ki nongthoh khubor ula ong, ba ka seng ka sngewkhia ba kila don 130 tylli ki kam kiba lait thylli ha ka kyrdan Assistant Executive Engineer bad Assistant Executive Engineer bad ki don 125 tylli ki kam kiba lait ha ka kyrdan Junior Engineer namar haduh mynta ka sorkar kam shym la thungkam ia ki samla ha kitei ki kam kiba lait thylli.
“Ngi la dawa na u Myntri Sorkar ban pyndap noh ia ki kam kiba lait thylli bad lada ka sorkar jylla ka sngap jar ne kam shim ia kino kino ki sienjam ban pyndap ia kitei ki kam kiba lait thylli, kumta kan ktah jur ia ki samla kiba la nang la stad ban iohkam iohjam kiba la lah ban shimti ia kitei ki kam kiba lait” la ong u Bah Dundee.
Ula ong, katkum ki jingtip kiba la iohlum da ka seng kitei ki kam kila lait thylli naduh u snem 2018.
“Ngim shym la ioh ia kano kano ka jingkular na u Myntri Sorkar hynrei ula pyntip ia ngi ia ka jinglong jingman jong ka MeECL kam long kaba biang namar ka jingioh lum ia ka khajna ka long kaba duna bha hynrei ka jingduh nong pat ka long kaba jur bha bad kumta kaei kaei kaba ki iohlum kam lah ban pyndap ia ka jingdonkam ka jongki” la iathuh u Nongialam ka FKJGP.
Ula ong ruh, ba ka seng ka ieh ha ka jingstad jong ka sorkar ba kan thungkam ia ki samla kiba la nang la stad ha kitei ki kam kiba lait khnang ba ka jingpyndep ka jongki ia ka jingpule kan ym long kaba lehnohei bad ka seng kala pynpaw ruh ia ka jingbym sngewtynnad ba ka sorkar kan thungkam da ka kontrak na ka bynta kitei ki kam kiba lait namar kan ktah jur bha ia ka lawei ka jong ki.
Na ka liang u Myntri ka tnad bording Abu Taher Mondal ula kular ba ka jingthungkam pura na ka bynta ki kam ba lait, yn sa pyndep noh hadien ba ka pla pisa jong ka Meghalaya Energy Corporation Limited (MeECL) kala kham biang.
“Ia mynta ngi dang don shibun ki jingeh ha ka pisa pilain bad dei kane ba ngim shym la lah ban pyniaid shakhmat ia ka jingthungkam pura hynrei dang shen ngi la pynmih ia ka jingpynbna ba lait katto kane ki kam. Ka jingthungkam pura kan sa long hadien ba ka MeECL kala kham pahuh pisa” ula ong.
U Myntri ula kubur ba ki kam ba lait kila don la slem bha bad ym shym la thung briew satia namar kiba bun ki daw.
 hynne ka sngi Balang, kala leit iakynduh ia u Myntri ka Tnad Bording u AT Mondal bad kala dawa ban thungkam noh ha ki kam kiba lait thylli ha ka MeECL bad lada ka sorkar kam leh eiei ka FKJGP kan sa shong pyrkhat ban shim noh da kiwei pat ki sienjam.){kind=link}