Agartala, Lber 16: Ka Development of North East Region (DoNER) kum shi bynta ban kyntiew ia ki jingbei tyngka hapoh ka thain shatei lam mih ngi, kala thaw ia ka kynhun ba san ngut ki dkhot ka Task Force ha kaba u Myntri Rangbah ka jylla Tripura u la shah jied kum u convenor.
Kane ka Task Force ba kynthup ruh ia u myntri ka tnad DoNER u Jyotiraditya Scindia, ki Myntri Rangbah ka jylla u Conrad K. Sangma (Meghalaya), u Neiphiu Rio (Nagaland), bad u Prem Singh Tamang (Sikkim) kum ki dkhot.
Kane ka task force, ka ban aiti ia ka kaiphod jong ka sha ka NEC hapoh hynriew bnai, kan bishar bniah ia ka rukom bei tyngka kaba la don lypa, kynthup ia ki polisi, bad ki jingtei ha ka thain shatei lam mihngi bad kan thaw ia ka lynti treikam kaba kongsan ban buh ia ka thain kum ka kam ba la jied bha ban bei tyngka, ka rep ka riang, ka IT bad kiwei.
Ka kynhun treikam kan pynpaw ia ki bynta bad ki thain kiba don hapoh ka NER ban thaw ia ki kynhun bei tyngka kiba la pynleit jingmut na ka bynta ban kyntiew ia ki jaka pdeng jong ki bynta kum ki jaka pynmih mar rep, ki jaka jngohkai pyrthei, ki jaka IT, ki lynti iaid jong ka bor ding ba lah ban pynthymmai bad kiwei kiwei.
Kane ka task force kan ai jingmut ruh ban thaw ia ki lad ki lynti ban khring ia ka jingbei tyngka napoh ri bad nabar ri, da kaba pynleit jingmut ha ka jingiatreilang hapdeng ki riew shimet (PPPs), la ong ka jingpynbna jong ka tnad DoNER.
 kum shi bynta ban kyntiew ia ki jingbei tyngka hapoh ka thain shatei lam mih ngi, kala thaw ia ka kynhun ba san ngut ki dkhot ka Task Force ha kaba u Myntri Rangbah ka jylla Tripura u la shah jied kum u convenor.){kind=link}