Nongpoh, Lber 11 : Uwei u nongniah thuk thuk ula iap hashen na ka jingshah iuh haka trok16 shaka hynne ka sngi Ba-ar hajan ka Toll Gate ka NHAI kaba don ha Pahammawlein, 20 Mer, Ri-Bhoi.
Une u nongniah jong ka thuk thuk AS04-Y-0825 u dei uba dang kiew na ka thain Guwahati ban wan sha Shillong. Ka trok kaba iuh ka don u nombor AS-01-SC-5581.
Ki Pulit ki iathuh ba kane ka jingjia kala jia tang mar syn lait ka Toll Gate. Ki ong ba une u nongniah thuk thuk ula iaid n aka jaka iaid ki kali VIP bad mar syn lait na kane ka khyrdop ula shah iuhnoh ha ka trok kaba dang mih n aka jaka siew pisa.
Ki Pulit ka Byrnihat Police Outpost kila hiar ban pynlong ia ka jingtohkit halor kane ka jingjia bad kila shimti noh ia ka metiap ban kit sha hospital. Ki Pulit kila kurup ruh ia ka trok bad rah sha thanad.
