Shillong, Lber 03: U Symbud Myntri Rangbah ba khmih ia ka Tnad PWF (Roads &Building) Bah Prestone Tynsong ula pyntip ba ka Sorkar kala Bthah ia ka National Highways and Infrastructure Develoment Corporation Limited (NHIDCL) ba kan weng noh ia ki jingeh ba iadei bad ki surok kiba rung sha ki Shnong bapher bapher ka thain Upper Shillong.
Ula jubab ia kane halor ka jingsngewkhia bala pynsngew da u MLA ka Congress ka Mylliem Bah Ronnie V Lyngdoh hapoh Iingsorbar ba namar ka jingpyniaid lynti ia ka surok Shillong-Dawki, ki surok ba rung sha ki Shnong ka Upper Shillong kila shah ktah lut.
U Bah Prestone haba kular ban leh eiei noh, ula ong ” Kiba bun ki jaka kila mad ia kane ka jingeh bad ngi la Bthah ia ka NHIDCL ban weng noh ia kine ki jingeh bad pynthikna ba ki surok ba rung sha Shnong ki dei ban don beit.
U Symbud Myntri Rangbah ula ong ba ka Sorkar ka tip bha ba ka jingpyntrei ia ka surok Shillong-Dawki ha 4Mile Upper Shillong bad 6th Mile (Eastern Air Command) ha Upper Shillong, kiba shah ktah namar ka jinglang um na ka daw ka jingpei ki pipe um, ki dei kiba pynthut ia ka jingiaid jong ka project.
Ula pyntip ba la dep ban shim ia ki sienkam ha kaban leh eiei ia ka jingpei ki pipe um bad ki kam kiba la leh ki long kumne harum: Ka jingpei um hajan Lad Mattilang, Kper slasha shuwa ka lad Lum Shillong lah dep ban set.
 Bah Prestone Tynsong ula pyntip ba ka Sorkar kala Bthah ia ka National Highways and Infrastructure Develoment Corporation Limited (NHIDCL) ba kan weng noh ia ki jingeh ba iadei bad ki surok kiba rung sha ki Shnong bapher bapher ka thain Upper Shillong.){kind=link}