Shillong, Lber 01: Ki shipai BSF kiba pahara ha ki thain khappud kila ioh ban pynpulom ia ki kam khaii tuh sha ri Bangladesh bad kila ioh kurup ia ki tiar ki tar kiba shongdor kumba T.61 Lak.
Ki BSF ryngkat bad ki pulit ka Meghalaya Police, kila pynlong ia ka jingkhynra bad kila ioh ban pynpulom ia ka jingthmu ban khaii be-ain ha South Garo Hills bad la ioh kurup ia ki tiar ki tar kiba shongdor T.41 Lak.
Nalor kane, ki shipai BSF ha kawei pat ka jingkhynra kila ioh ban kurup ia ki tiar kiba thmu ban khaii be-ain sha ri Bangladesh bad ha kane ka jingkhynra ki BSF kila ioh kurup ia ki tiar ki tar kiba shongdor T.20 Lak na ka khappud kaba don ha West Jaintia Hills.
Ki BSF kila iathuh ba ia kitei ki tiar bad ia ki mar ki mata kiba la thmu ban khaii be-ain sha ri Bangladesh la buhrieh hapoh ka khlaw kaba don hajan khappud bad ka ri Bangladesh kaba hap ha West Jaintia Hills bad South Garo Hills District.
Ki BSF kila pynpaw ba ki iengskhem ban tehlakam ia ki kam be-ain ha ki thain khappud bad kin trei shitom na ka bynta ban ai jingshngain bad jingiada ia ki paid nongshong shnong ka ri.
