Shillong, Rymphang 22 : U Director ka Health Services (MI) Dr Aman War hynne ka sngi Saitjain, ula ai ia ka shithi iehnoh kam kum u Nongialam ka United Democratic Party (UDP).
U Dr Aman War u dei uba bat kum uwei na ki Secretary ha ka Central Body jong ka UDP.
Ia kane ka shithi la phah sha u President ka UDP Bad Metbah Lyngdoh bad sha u General Secretary Jemino Mawthoh.
Ha ka shithi, u Dr Aman War ula pyntip ba dang shen ula shah jied kum u Rangbah Shnong ba thymmai ka Lachumiere bad kyrpad ban aika jingmynjur ia kane ka shithi iehnoh kam.
U Dr Aman ula pynpaw ruh ia ka jingsngewnguh bad kumjuh ruh ia ka jingbym lah ban klet ia ka jingkyrshan bad ka jingpynshlur ba ki Nongialam ka party(UDP) kila ai sha u kum u kyrtong ha ka elekshon MLA ba dang shu dep na North Shillong constituency.
