Shillong, Rymphang 22: Ki Pulit ka Assam kila rah tohkit ia u chancellor ka USTM Mahbubul Hoque halor ka jingkynnoh ba donkti ban lehthok ha ka eksam CBSE.
Ia u Mahbubul Hoque, Chancellor of University of Science and Technology Meghalaya (USTM), la rah tohkit na ka iinggsah jong u na Guwahati’s Ghoramara hynne ka step sngi Saitjain.
Kat kum ka khubor, ia u Mahbubul la rah tohkit da ka kynhun Pulit ba kynthup ia ka Panbazar Police and Special Task Force (STF) ka Tnad Assam Police.
Kat kum ka khubor la kynnoh ba u Mahbubul ula shim pisa ban ai leh thok ha ka eksam CBSE klas XII.
La ioh jingtip ba haduh 274 ngut ki samla pule kila thoh ia ka eksam Physics ha Kendriya Vidyalaya kaba don ha Sribhumi (Karimganj) district, Assam kynthup ia 45 ngut na ka skul bad 214 ngut na ka kynhun ERD.
La kynnoh ba kala don ka jingiapynbeit ban siew pisa ban iarap ia ki samla ka kynhun ERD ha kane ka eksam. Hynrei, ka jinglong jingman ha ka eksam kala poi sha ka huri hura haba ka jingkular kam shym la urlong satia.
Ki Pulit bad ka STF kila pynlong ia ka jingtohkit hadien ka jingujor bala mih ia ka jingkynnoh donkti kane ka jaka pule ha kine ki kam beain.
Hynrei ki Pulit kim pat iathuh satia ia ki daw tynrai balei la kem ia u Mahbubul.
Kat kum ka khubor, ia u Mahbubul la kit noh sha Sribhumi ban pynlong ia ka jingtohkit kaba bniah.
