Shillong, Rymphang 16: Ka Nongbah Shillong ka long kaba la pynkhreh ban pdiang ia ki jingialehkai jong ka AFC ha u bnai ban wan.
Haba pyntip ïa kane, u President ka Meghalaya Football Association (MFA) Bah Hamlet Dohling u la ong “Ka All India Football Federation (AIFF) ka la mynjur ïa ka Jawaharlal Nehru Stadium Polo Shillong kum ka madan ban pynlong ïa ki jingïalehkai jong ka AFC qualifier ha u bnai ban wan.”
“Ka JN Stadium ka pynlong ïa ka jingïakhun hapdeng ka India pyrshah ïa ka Bangladesh haka AFC Asian Cup 2027 qualifier AFC ha ka 25 tarik Lber bad ka jingïalehkai paralok hapdeng ka India pyrshah ïa ka Maldives ha ka 19 tarik Lber” u la bynrap.
