Shillong, Rymphang 15: U National General Secretary ka Natinal People’s Party (NPP) bad Symbud Myntri Rangbah Bah Sniawbhalang Dhar ha ka sngi Saitjain, ula kyntu ia ki paidbah ka Mansngat-Khanduli constituency ban vote ia u kyrtong ka NPP Bah Pheinchwa Nanglein ha ka elekshon JHADC, khnang ban ioh ia ki jingmyntoi ia ka Sorkar double engine.
Haba kren ha ka rynsan ialap elekshon ha shnong Mynsngat, u Bha Dhar ula kular ba hadien ka elek shon, un pynthikna ban sdang noh ia ka jingpyntrei ia kiba bun ki surok hapoh ka constituency.
Haba pynpaw ba ka shnong ka dei ka ktem ba khlain bha ka NPP, u Bah Dhar ula ong “ Kumno phi ai ka jingkyrshan ia kiwei ki kyrtong haba ka Nartiang Constituency ka dei shibynta jong ka sorkar. Kumta, nga kyrpad ba phim dei ban shah ialam bakla ha kiwei ki party namar lada u kyrtong jong ngi u shah jied, thikna ba phin ioh shibun ki jingmyntoina ka Sorkar double engine”.
“Ka biang lada kiwei ki kyrtong ki ialap hynrei ki paidbah kila ong ba kim long pyrshah ia ka VPP bad kiwei ki party hynrei kin pynthikna ba ka NPP kan jop napoh ka constituency” ula ong haba bynrap “ Kane ka long namar wat hapdeng ki jingpyrshang jong kiwei ki party, ki khun shynrang bad kynthei jong nga ki tip ba ka niam kam treikam ha ka politics. Ka politics ka dei ka politics bad ka niam ka dei ka niam, ngim dei ban pyniakhleh ia kine artylli”.
Nalor kane, u Bah Sniawbha ula kular ba un bteng ban trei ha kaban pynroi ia ka constituency baroh kawei.
 bad Symbud Myntri Rangbah Bah Sniawbhalang Dhar ha ka sngi Saitjain, ula kyntu ia ki paidbah ka Mansngat-Khanduli constituency ban vote ia u kyrtong ka NPP Bah Pheinchwa Nanglein ha ka elekshon JHADC, khnang ban ioh ia ki jingmyntoi ia ka Sorkar double engine.){kind=link}